ရန်ကုန်၊ ဇန်နဝါရီ ၁၆
စစ်ကိုင်းတိုင်း၊ မြောင်မြို့နယ်တွင် အာဏာရှင်ကို အဆုံးစွန် ရွံ့ရှာနေသော ပြည်သူများ ၏ NUGထောက်ခံပွဲနှင့် စစ်အာဏာရှင်ဆန့်ကျင်ရေး ပြည်သူ့သပိတ်ကို PDF ပူးပေါင်းတပ်ဖွဲ့များ၏ လုံခြုံရေးယူပေးမှုဖြင့် ယမန်နေ့က အောင်မြင်စွာ ချီတက် ပြုလုပ်ကြသည်။
မြောင်မြို့ပေါ်တွင် စစ်တပ်ရှိနေသည့်ကြားမှ မြောင်မြို့နယ် ပြည်သူ့ကာ ကွယ်ရေးအဖွဲ့များဖြစ်ကြသည့် Myaung Union Army ၊ CDSOM ၊ M2W ၊ PDF TALOKE ၊ မြင်းမူလျှပ်စီးပြောက်ကျားအဖွဲ့ ၊ နှလုံးလှလူမိုက်ကြီးများအဖွဲ့ ၊ MGN GANGER ၊ YFPDF ၊ စွန်ရဲအဖွဲ့၊ ပြောက်ကျားလင်းယုန် ၊ ဗိုလ်ကျားသစ် နှင့် GGG စသည့် မြောင်နယ်အခြေစိုက်ပြည်သူကာကွယ်ရေးတပ်၊အဖွဲ့များက လုံခြုံရေးလိုက်ပါပြီး NUG ထောက်ခံပွဲနှင့် စစ်အာဏာရှင် ဆန့်ကျင်ရေး ပြည်သူ့သပိတ်ကို အောင်မြင်စွာချီတက်ကျင်းပနိုင်ခဲ့ခြင်းဖြစ်သည် ။
