ရန်ကုန်၊ ဖေဖော်ဝါရီ ၉
မကွေးတိုင်း မြိုင်မြို့နယ် အနောက်ပိုင်း ၊ ဝက်ပုတ်အုပ်စု၊ အုန်းပင်စု ရွာကို အကြမ်းဖက် စစ်ကောင်စီ တပ်ဖွဲ့များက ဖေဖော်ဝါရီလ ၇ ရက်နေ့ ည ၁၁ နာရီခန့်တွင် ကျေးရွာအတွင်းသို့ ဝင်ရောက် စီးနင်းခဲ့ပြီး ပြည်သူပိုင် နေအိမ် ၅လုံးနှင့် ဆိုင်ကယ်များကို မီးရှို့ဖျက်ဆီးခဲ့ခြင်းဖြစ်ကြောင်း We Love Myaingအဖွဲ့က တာဝန်ရှိသူ တစ်ဦးက ရန်ကုန် ခေတ်သစ် မီဒီယာသို့ ပြောဆိုသည်။
အဆိုပါ အကြမ်းဖက် စစ်ကောင်စီ တပ်ဖွဲ့များသည် ဖေဖော်ဝါရီလ ၇ ရက်နေ့ ည ၇ နာရီခန့်တွင် အုန်းပင်စုရွာက စစ်ကောင်စီသတင်းပေး ဒလန်ဟု သတ်မှတ်ခံထားရသူ ပြည်ကျော်ဆိုသူကို အမည်မသိ သေနတ်သမားများက ပစ်ခတ် တိုက်ခိုက်ခဲ့ပြီး သေဆုံးခဲ့သော ဖြစ်စဉ်ကြောင့် စစ်တပ်က ကျေးရွာအတွင်းသို့ ရောက်ရှိလာခြင်းဖြစ်ကြောင်း သိရသည်။
ထို စစ်ကောင်စီသတင်းပေး ဒလန်ဟု သတ်မှတ်ခံထားရသူ ပြည်ကျော် သေဆုံးခဲ့ခြင်းကြောင့် စစ်တပ်က ည ၁၁ နာရီခန့်တွင် ကျေးရွာအတွင်းရှိ လူနေအိမ်များနှင့် ဆိုင်ကယ်များကို မီးရှို့ဖျက်ဆီးခဲ့ခြင်းဖြစ်ကြောင်း သိရသည်။
Photo – We Love Myaing
