By ရန်ကုန်ခေတ်သစ်
ဒီကနေ့ မေ ၃၀ ရက် မနက်ပိုင်း ရရှိထားတဲ့သတင်းတွေကတော့
-ရန်ကုန်တိုင်း၊ လှိုင်သာယာမြို့နယ်တွင် စစ်တပ်သတင်းပေးနှင့်ပျူစောထီးခေါင်း ဆောင်ဖြစ်သူ လှိုင်သာယာ လူမိုက် သန်းဇော် ပစ်သတ် ခံလိုက်ရကြောင်း ဒေသခံများထံမှ သိရှိရသည်။
– စစ်ကိုင်းတိုင်း၊ ကလေးမြို့နယ်မှာ စစ်တပ်က ပစ်ခတ်တဲ့ လက်နက်ကြီးကျည်ထိမှန်ပြီး ၆ လသားအရွယ် ကလေး ငယ်မိခင် ၁ ဦး နဲ့ စစ်ဘေးရှောင် သား အမိ ၂ ဦး စုစုပေါင်း ပြည်သူ ၃ ဦး ပွဲချင်းပြီး သေဆုံးသွားတယ်လို့ ကလေးမြို့ နယ်မှ ပြည်သူများက ရန်ကုန်ခေတ်သစ်သတင်းဌာနကို ပြောပါတယ်။
-စစ်ကိုင်းတိုင်း မြောင်မြို့နယ် ဇရပ်ကုန်းရွာကို အကြမ်းဖက် စစ်တပ်က မေလ ၂၉ ရက်နေ့ နံနက် ၇ နာရီခွဲလောက် စတင်ကာ မီးရှို့ဖျက်ဆီးခဲ့တာကြောင့် ပြည်သူပိုင် နေအိမ် ၁ဝဝ ခန့် မီးလောင်ပြာကျခဲ့တယ်လို့ မြောင်မြို့နယ် ပြည်သူ့ ကာကွယ်ရေးနှင့် လုံခြုံရေးအဖွဲ့ CDSOM ဆီက သိရပါတယ်။
– အနောက်နိုင်ငံကြီးတွေက မြန်မာနိုင်ငံကို အပိုင်စီးတော့မယ်အပြင် အမျိုး ဘာသာ သာသနာ ပျောက်ကွယ်နိုင်လို့ နိုင်ငံတော်ကာကွယ်ရေးအတွက် စစ်မှုပြန်ထမ်းဖို့ စစ်မှုထမ်းဟောင်းတွေကို ဘာသာရေးလူမျိုးရေး မုန်းတီး စကား တွေနဲ့ သိမ်းသွင်းပြီး စစ်မှုထမ်းဖို့ စစ်ကောင်စီက လျှို့ဝှက် ပြန်ခေါ်နေတဲ့ သတင်းအပါအဝင် နောက်ဆုံးရ သတင်း တွေကိုတင်ဆက်ပေးပါမယ်။
