ရန်ကုန်၊ ဇွန် ၁
တောင်ကိုရီးယားနိုင်ငံ အူဆန်မြို့တွင် နွေဦးတော်လှန်ရေး ရန်ပုံငွေ ဖလား ဘောလုံးပြိုင်ပွဲကို ဇွန်လ ၁ ရက်နေ့တွင် ပြုလုပ်ခဲ့ပြီး ဒယ်ဂူး ဘုန်းဘုန်းမှ ချစ်ကြည်ရေး ငြိမ်းချမ်းရေး ညီညွတ်ရေး သီးခံခြင်း မေတ္တာတရား အခြေခံကာ နွေဦးတော်လှန်ရေး အောင်မြင်ရန် ဘက်ပေါင်းစုံမှကြိုးစားအားထုတ်ပြီး တော်လှန်ရေးအမြန်အောင်ဖို့ များများထောက်ပံ့ မြန်မြန်အောင်ပွဲနိုင်ကြောင်းအားပေးတိုက်တွန်းစကားမိန့်ကြားခဲ့သည်ဟု သိရသည်။
အဆိုပါ ဘောလုံးပြိုင်ပွဲများကို တောင်ကိုရီးယားနိုင်ငံရှိ အူဆန်၊ ဒယ်ဂူး၊ ဂင်မဲ၊ ဖျောင်းထက် စသောမြို့များတွင် နွေဦးတော်လှန်ရေး အကူအညီများများ ထောက်ပံ့နိုင်ရန် ကျင်းပပြုလုပ်နေခြင်း ဖြစ်ကြောင်း သိရသည်။
