By ရန်ကုန်ခေတ်သစ်
ဒီကနေ့ ဩဂုတ် ၆ ရက် ညနေပိုင်းရရှိထားတဲ့ သတင်းတွေကတော့
-မင်းအောင်လှိုင် ဦးဆောင်တဲ့ အကြမ်းဖက် စစ်ကောင်စီက လူထုခေါင်းဆောင် ဒေါ်အောင်ဆန်းစုကြည်၊ သမ္မတဦးဝင်းမြင့် အပါအဝင် NLD ခေါင်းဆောင်တွေကို အကျင့်ပျက် ခြစားတယ်ဆိုပြီး လိမ်လည်တရား စွဲဆို ခိုင်းထားတဲ့ အဂတိတိုက်စားမှု တိုက်ဖျက်ရေးကော်မရှင် ညွှန်ကြားရေးမှူး ၊ ဗိုလ်ကြီးဟောင်း- ရဲထက် ဆိုသူဟာ လူမှုရေး ဖောက်ပြန်မှုတွေနဲ့ လာဘ်စားမှုတွေ ကျူးလွန်ထားသူ ဖြစ်တယ်လို့ စုံစမ်း သိရှိရပါတယ်။
– စစ်ကိုင်းတိုင်း ၊ ဒီပဲယင်းမြို့နယ် ၊ ကိုင်းကံ-ရွာကို အကြမ်းဖက် စစ်ကောင်စီတပ်က ဒီကနေ့ သြဂုတ်လ ၆ ရက်နေ့ ၊ မွန်းလွဲ ၁၂ နာရီလောက်က စပြီး မီးရှို့ဖျက်ဆီးနေတဲ့ အတွက် ရွာလုံးကျွတ် ထွက်ပြေး တိမ်းရှောင် နေရတယ်လို့ ဒီပဲယင်းမြို့နယ် ၊ ညီနောင်များအဖွဲ့ ရဲ့ တာဝန်ရှိသူ တစ်ဦးက ရန်ကုန်ခေတ်သစ် ကို ပြောပါတယ်။
– ကရင်နီပြည်နယ်မှာ အကြမ်းဖက် စစ်ကောင်စီတပ်ကို ကရင်နီအမျိုးသားများ ကာကွယ်ရေးတပ် KNDF တပ်ရင်း ၉ က လက်နက်ကြီးတွေ နဲ့ ပစ်ခတ်တိုက်ခိုက်ရာမှာ စစ်ကောင်စီတပ်သားတွေ ထိခိုက်သေဆုံးမှု များစွာနဲ့ ထွက်ပြေးသွားကြတဲ့ ဗီဒီယိုကို တပ်ရင်း ၉ ကနေ ဒီကနေ့ ထုတ်ပြန်လာတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
