Khit Thit သတင်းဌာန၏ နိုဝင်ဘာ ၃၀ ရက် နေ့လယ်ပိုင်း ရုပ်သံသတင်းအစီအစဉ်

Khit Thit သတင်းဌာန၏ နိုဝင်ဘာ ၃၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၃၀ ရက်နေ့ နေ့လယ်ပိုင်းတင်ဆက်ပေးမယ့်သတင်းတွေကတော့ – ရုရှားစစ်ဗိုလ်ချုပ် နဲ့ အဖွဲ့ မြန်မာနိုင်ငံကို လျှို့ဝှက်လာရောက်မှု သတင်းဟာ ရန်ကုန်ခေတ်သစ်မှာ ပေါက်ကြား ခဲ့တဲ့အတွက်ကြောင့်ဆိုပြီး စစ်အရာရှိတချို့ စစ်ဆေးခံနေရတယ်လို့ စစ်ဘက် သတင်း ရင်းမြစ်တွေဆီကနေ သိရပါတယ်။ – ချင်းတွင်းမြစ်အတွင်းမှာ အကြမ်းဖက် စစ်ကောင်စီတပ်ရဲ့ ဆီတင် သင်္ဘောတွေကို နိုဝင်ဘာလ ၂၈ ရက်နေ့က ပြည်သူ့ကာကွယ်ရေး တပ်ဖွဲ့တွေကနေ ဝိုင်းဝန်း တိုက်ခိုက်ခဲ့ရာမှာ စစ်ကောင်စီဘက်က ထိခိုက် ဒဏ်ရာရရှိမှုတွေ များပြားခဲ့တယ်လို့ မျိုးဆက်သစ်လူငယ် Local PDF တပ်ဖွဲ့ရဲ့ တာဝန်ရှိသူ တစ်ဦးက ရန်ကုန်ခေတ်သစ် ကိုပြောပါတယ်။ -စစ်ကိုင်းတိုင်း၊ ရွှေဘိုမြို့နယ်၊ ညောင်ပင်သာ- ကျေးရွာ နဲ့ ကန်သာကုန်း ကျေးရွာကို နိုဝင်ဘာလ ၂၉ ရက်နေ့ မနက်ပိုင်းမှာ အကြမ်းဖက် စစ်ကောင်စီတပ်က မီးရှို့ဖျက်ဆီးခဲ့တဲ့သတင်းအပါအဝင် နောက်ဆုံး ရသတင်းတွေကို တင်ဆက်ထားပါတယ်။