ယင်းမာပင်၊ဆားလင်းကြီး ရွာပေါင်းစုံသပိတ်စစ်ကြောင်း ချီတက်ဆန္ဒပြ
ရန်ကုန်၊ ဒီဇင်ဘာ ၂၇
ယင်းမာပင်၊ဆားလင်းကြီးတွင် ကျောင်းသားပြည်သူများစုပေါင်း၍ ရွာပေါင်းစုံသပိတ် ၆၅၆ ရက်မြောက်နေ့ အဖြစ်ချီတက်ဆန္ဒပြခဲ့ကြပြီး ယနေ့ ဒီဇင်ဘာလ ၂၇ ရက်နေ့သည်
အာဇာနည်တစ်ဦးဖြစ်သည့် ကိုချမ်းမြေ့ကျော်၏ ကျဆုံးခြင်း ၂၁ လ ပြည့်မြောက်သည့်နေ့ ဖြစ်သည့်အတွက် ၎င်း၏ အုတ်ဂူရှိရာသို့ ချီတက်အလေးနီပြုကာ ဝေမြဲနှင်းဆီများဖြင့် ဂုဏ်ပြုခဲ့ကြသည်။
ကိုချမ်းမြေ့ကျော်ဟာ မတ်လ ၂၇ ရက် ၂၀၂၁ ခုနှစ်တွင် ချင်းတွင်းတံတားအနောက်ဘက်၊ ပုသိမ်မုံရွာလမ်းနှင့် ယာကြီးကလေးလမ်းဆုံ၊ ရွှေတောင်ဦးအနီးတွင် အကြမ်းဖက် စစ်တပ်၏ သပိတ်ဖြိုခွင်းမှုတွင် ကျဆုံးခဲ့ခြင်းဖြစ်သည်။
