ဆားလင်းကြီးရှိ စစ်ဘေးရှောင် ပြည်သူများအား အညာပစ်တိုင်းထောင်လေးများအဖွဲ့က အစားအသောက် လှူဒါန်း
ရန်ကုန်၊ ဇန်နဝါရီ ၇
ဆားလင်းကြီးမြို့နယ်တွင် အညာပစ်တိုင်းထောင်လေးများအဖွဲ့မှ ယနေ့ ဇန်နဝါရီလ ၇ ရက်နေ့၌ စစ်ဘေးရှောင် ပြည်သူများအား အစားအသောက်များ လှူဒါန်းခဲ့ကြောင်း သိရသည်။
“စစ်ဘေးရှောင်တွေကတော့ အများကြီးပါ။ စစ်ကြောင်းကလည်း ခုချိန်ထိ ထိုးနေတုန်းပါပဲ။ ကျွန်တော်တို့အဖွဲ့အနေနဲ့ တတ်နိုင်သလောက် လှူဒါန်းရခြင်းပါ။ ကျွန်တော်တို့အနေနဲ့ စစ်ဘေးရှောင် ၁၀၀ ကျော်ကို ၁ ရက်စာတာဝန်ယူပြီး ကြွေးမွေးခဲ့ပါတယ်။ နောက်နေ့တွေ ထပ်ပြီး လှူဒါန်းနိုင်ဖို့ ပြည်သူမှပြည်သူသို့ ကူညီပေးစေလိုပါတယ်”ဟု အညာပစ်တိုင်း ထောင်လေးများအဖွဲ့မှ ဦးဆောင်သူ တစ်ဦးက ပြောဆိုသည်။
