ဝက်လက်ဒေသတွင် ဗကသများ အဖွဲ့ချုပ်က သမဂ္ဂဖွဲ့စည်းရေးနှင့် စစ်အာဏာရှင် ဆန့်ကျင်ရေး ဟောပြောပွဲပြုလုပ်
ရန်ကုန်၊ မတ် ၁
ဝက်လက်မြို့နယ်တွင် ဗကသများ အဖွဲ့ချုပ် ဗဟိုစည်းရုံးရေးကော်မတီ (၀က်လက်ဒေသ)မှ ဦးဆောင်ကာ ကျောင်းသား သမဂ္ဂဖွဲ့စည်းရေးနှင့် စစ်အာဏာရှင် ဆန့်ကျင်ရေး ဟောပြောပွဲ ပြုလုပ်ခဲ့ကြောင်း သိရသည်။
ထို့ပြင် အခြေခံပညာ ကျောင်းသားထု၏ အသံကိုနားထောင်ပြီး ကြားကာလပညာရေးလုပ်ငန်းစဉ်များကို ကျောင်းသား၊ ဆရာနှင့် ရပ်မိရပ်ဖ ဖြစ်သော မိဘပြည်သူတို့နှင့်အတူ ဗကသများအဖွဲ့ချုပ်ဘက်ကပူးပေါင်းအကောင်အထည်ဖော် ဆောင်ရွက်သွားမည်ဖြစ်ကြောင်း ထုတ်ပြန်ထားသည်။
