မုံရွာတွင် စစ်တပ်၏ ပစ်ခတ်သတ်ဖြတ်မှုကြောင့် ကျဆုံးခဲ့ရသော အာဇာနည် သူရဲကောင်းများကို လွမ်းဆွတ် အလေးပြု ချီတက်
ရန်ကုန်၊ မတ် ၃
စစ်ကိုင်းတိုင်း၊ မုံရွာမြို့ပေါ် ဘုရားနီလမ်း(အာဇာနည်လမ်း)တွင် ၂၀၂၁ခု နှစ် မတ်လ၃ရက်နေ့ ၊ အကြမ်းဖက်အာဏာသိမ်းစစ်အုပ်စု၏ ပစ်ခတ်သတ်ဖြတ်မှုကြောင့် ကျဆုံးသွားခဲ့ရသော မုံရွာမြို့မှ တော်လှန်ရေးရဲဘော်များနှင့် နိုင်ငံတစ်ဝှမ်းလုံးရှိ ကျဆုံးသွားခဲ့ရသော တော်လှန်ရေးသူရဲကောင်းများကို လွမ်းဆွတ် တသဦးညွှတ်ဂါဝရ အလေးပြုခြင်း အထိမ်းအမှတ်အဖြစ် မုံရွာမြို့တစ်နေရာတွင် ယနေ့ ပြုလုပ်ကြသည်။
အဆိုပါ ချီတက် လွမ်းဆွတ် ဆန္ဒပြမှုကို မုံရွာလူငယ်များစည်းရုံး၊ မုံရွာတော်လှန် လူငယ်များကွန်ရက်၊ မုံရွာအခြေခံပညာကျောင်းသားများသမဂ္ဂ တို့က ပူးပေါင်း လုပ်ဆောင်ခဲ့ကြသည်။
