Khit Thit သတင်းဌာန၏ ဧပြီ ၁ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဧပြီ ၁ ရက် မနက်ပိုင်းတင်ဆက်ပေးမယ့်သတင်းတွေကတော့
– နိုင်ငံတကာ Fundraiserတွေဆီက တဆင့် Project DragonFly အတွက် အမေရိကန်ဒေါ်လာ ၂ ဒသမ ၂ သန်း လက်ခံရရှိသုံးစွဲနေရာ လေကြောင်းရန်ကာကွယ်ရေးကဏ္ဍအတွက် အမေရိကန်ဒေါ်လာ ၁. ၄သန်းနဲ့ တန်ပြန် လေကြောင်း တိုက်ခိုက်ရေးကဏ္ဍအတွက် ဒေါ်လာ ၈ သိန်း လျာထားသုံးစွဲနေတယ်လို့ အမျိုးသား ညီညွတ်ရေး အစိုးရ ကာကွယ်ရေးဝန်ကြီးဌာနက မနေ့က အသိပေးထုတ်ပြန်ပါတယ်။
– စစ်ကိုင်းတိုင်း၊ ခင်ဦးမြို့နယ်၊ ရွှေဘို-မြစ်ကြီးနားလမ်းပိုင်းမှာ ကုန်တင်ကား ၁ စီးကို စစ်ဆေးစဥ် စစ်တပ်ထုတ် Dagon ဘီယာ ၅၃၂ ဖာ တင်ဆောင်လာတာကြောင့် ဖမ်းဆီး ဖျက်ဆီးခဲ့တယ်လို့ ဒေသကာကွယ်ရေး တပ်ဖွဲ့တွေဆီက သိရပါတယ်။
– မကွေးတိုင်း၊ မြိုင်မြို့နယ်၊ နှမ်းဆီကန်ရွာကို အကြမ်းဖက်စစ်တပ်က ဝင် ရောက် စီးနင်းပစ်ခတ်မှုကြောင့် အသက် ၄ နှစ်အရွယ်ကလေးငယ် ၁ ဦး သေဆုံးခဲ့တယ်လို့ ဒေသခံပြည်သူတွေက ပြောပါတယ်။
– ကရင်နီပြည်နယ်၊ ဒီးမော့ဆိုမြို့နယ် ၊ဒေါလျားခူကျေးရွာအနီး စစ်တပ်နဲ့ ကရင်နီ ပူးပေါင်းတပ်တွေအကြား တိုက်ပွဲဖြစ်ပွားကာ စစ်ကောင်စီတပ်ဘက်က ၁၅ ဦးသေဆုံးခဲ့တဲ့ သတင်းအပါအဝင် နောက်ဆုံးရသတင်းတွေ ကိုတင်ဆက်ပေးပါမယ်။
