Khit Thit သတင်းဌာန၏ မေ ၃၁ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မေ ၃၁ ရက် နေ့လယ်ပိုင်းတင်ဆက်ပေးမယ့်သတင်းတွေကတော့
-မဘသ နဲ့ အမျိုးသားရေး အစွန်းရောက် လှုပ်ရှားသူ တင့်လွင် နဲ့ လီလီနိုင်ကျော် ဆိုသူတို့ အသတ်ခံ ရပြီးတဲ့နောက် စစ်တပ်ထောက်ခံတဲ့ အစွန်းရောက် အမျိုးသားရေး လှုပ်ရှားသူတွေက သူတို့ရဲ့ လုံခြုံရေး အတွက် အကြမ်းဖက် စစ်တပ်ကို အကူအညီတောင်းခံနေကြသလို ၊ တချို့ဟာ ကြောက်လန့်ပြီး စစ်တပ်ထဲမှာ ခိုလှုံနေကြတယ်လို့ မဘသအသိုင်းအ၀ိုင်းဆီကနေ သိရပါတယ်။
– အကြမ်းဖက် ဒုတိယ စစ်ခေါင်းဆောင် စိုးဝင်း နဲ့ တရုတ်စစ်ထောက်လှမ်းရေး ခေတ္တညွှန်ကြား ရေးမှူးချုပ် ယန်ယန် ဆိုသူတို့ဟာ နေပြည်တော်မှာ တွေ့ဆုံခဲ့တယ်လို့ အကြမ်းဖက်စစ်ကောင်စီဘက်က သတင်းထုတ်ပြန်လာပါတယ်။
– ပဲခူးတိုင်း၊ တောင်ငူခရိုင်၊ ထန်းတပင်မြို့နယ်၊ လှည်း လမ်းကူး- ကျေးရွာက အသက် ၅၀ အရွယ် ခြေတစ်ဖက်မရှိတဲ့ မသန်စွမ်း တောင်သူ ဦးဌေးဝင်း ဆိုသူကို အကြမ်းဖက် စစ်ကောင်စီတပ်က စစ်ကြောင်းထိုးတဲ့ အချိန် ဖမ်းဆီးပြီး သတ်ဖြတ်သွားတဲ့ သတင်းအပါအဝင် နောက်ဆုံးရသတင်းတွေ ကိုတင်ဆက်ပေးပါမယ်။
