“ဝ” ပြည်နယ်က တရုတ်နိုင်ငံသား အွန်လိုင်းငွေကြေးလိမ်လည်သူ ၂၃၅၀ ဦး တရုတ်နိုင်ငံသို့ ပြန်လည် လွှဲပြောင်းပေးအပ်
ရန်ကုန်၊ အောက်တိုဘာ ၁၅
ရှမ်းပြည်နယ်၊ “ဝ” ပြည်နယ်အာဏာပိုင်များက တရုတ်နိုင်ငံသား အွန်လိုင်းလိမ်လည်မှုလုပ်သူ ၂၃၅၀ ဦးကို တရုတ်နိုင်ငံသို့ ပြန်လည် လွှဲပြောင်းပေးအပ်လိုက်ကြောင်း “၀” တပ်ဖွဲ့က တရားဝင်သတင်းထုတ်ပြန်သည်။
ဝပြည်နယ်တရားစီရင်ရေးကော်မရှင်က Bangkang၊ Mengbo နှင့် Mengng တို့တွင် အွန်လိုင်းငွေလိမ်ရာဇဝတ်ဂုဏ်း ၂၀ ကျော်ကို တစ်ပြိုင်နက် ဖြိုဖျက်ခဲ့ကြောင်း ‘ဝပြည်နယ်’ ရုပ်မြင်သံကြားက အောက်တိုဘာ ၁၄ ရက် ညနေပိုင်းက သတင်းထုတ်ပြန်ခဲ့သည်။
အွန်လိုင်းလိမ်လည်သည့် ရာဇဝတ်ဂိုဏ်းများတွင် ပါဝင်ပတ်သက်သူ စုစုပေါင်း ၂၆၈၀ ဦး ကို ဖမ်းဆီးခဲ့ပြီး တရုတ်နိုင်ငံသား ၂၃၅၀ ဦး၊ ဒေသခံ ၁၃၀ နှင့် အခြားနိုင်ငံသား ၂၀၀ အပါအဝင် ဖမ်းမိခဲ့ကြောင်း၊ ကွန်ပျူတာ ၁၃၇၀ လုံးနှင့် မိုဘိုင်းလ်ဖုန်း ၅၂၀၇ လုံး စသည့် ပစ္စည်း အများအပြားကိုလည်း သိမ်းဆည်းရမိခဲ့ကြောင်း သိရှိရသည်။
၀ တပ်ဖွဲ့က လွှဲပြောင်းပေးခဲ့သည့် အွန်လိုင်းငွေလိမ်ဂိုဏ်းများနှင့်ပတ်သက်သူ တရုတ်နိုင်ငံသား ၂၃၅၀ ဦးရှိသည့်အနက် တရုတ်နိုင်ငံသား ၁၂ ဦးအပါအဝင် Bangkang အတွင်းတွင် လူ ၂၂၄ ဦး၊ တရုိီစာတစ်စောင်ဖြင့် ဖမ်းဆီးရန် တောင်းဆိုသော ဆက်သွယ်ရေးလိမ်လည်သူများ၊ Mengbo Woodian တွင် လူ ၄၀၂ ဦး၊ Mengeng တွင်းတွင် လူ ၁၇၂၄ ဦး ရှိကြောင်း သိရှိရသည်။
တရုတ်နိုင်ငံ ယူနန်ပြည်နယ် ရဲတပ်ဖွဲ့နှင့် သက်ဆိုင်ရာ ပြည်သူ့လုံခြုံရေး ဗျူရိုတို့အကြား လက်မှတ်ရေးထိုးထားသည့် သဘောတူညီချက်အရ ဝပြည်နယ် တရားရေးကော်မရှင်က ကွန်ပျူတာ၊ မိုဘိုင်းလ်ဖုန်းနှင့် အခြား မှုခင်းကိရိယာများ အပါအဝင် အီလက်ထရွန်နစ် အွန်လိုင်းလိမ်လည်မှုတွင် ပါဝင်သော တရုတ်နိုင်ငံသား ၂၃၅၀ ဦးအား လွှဲပြောင်းပေးအပ်ခဲ့ကြောင်း သိရှိရသည်။
