“တော်လှန်ရေးအတွက်လည်း ထောက်ပို့ချင်တယ်။ဒါပေမယ့်ကိုယ်မှာလည်း ပိုက်ဆံမရှိတော့ သူများ ဆီမှာ အလှူခံဖို့ဆိုတာ မဖြစ်နိုင်ဘူးလေ ကိုယ်ပတ်ဝန်းကျင်မှာလည်း မြန်မာပြည်ကိစ္စနဲ့ အလှူခံ နေတဲ့ သူတွေကြီးပဲဆိုတော့ သူများဆီမှာ အလှူခံဖို့ အားလည်းနာတယ်”
စွန့်ပစ်ဘူးများကောက်ပြီး ထောက်ပို့လုပ်ပေးနေသည့် အမေ့သမီးအဖွဲ့မှ မဖြူဖြူနှင့် တွေ့ဆုံ မေးမြန်းခြင်း
By ရန်ကုန်ခေတ်သစ်
တော်လှန်ရေးမှာ ကူညီထောက်ပို့ပေးနိုင်ဖို့အတွက် လမ်းဘေးက စွန့်ပစ်ဘူးတွေကိုကောက် ရေထဲက ဘူးတွေကိုပါ ဆယ်ယူရင်း ပြန်အသုံးပြုလို့ရတဲ့စွန့်ပစ်ဘူးတွေကို စုဆောင်း ရောင်းချကာ ကိုယ်တိုင်အစားအသောက်တွေကြော်လှော်ပြီး တော်လှန်ရေးမှာ ကိုယ်နိုင်ရာဝန်နဲ့ ထောက်ပို့နေကြ တဲ့လူငယ်တစ်စုရဲ့ဗီဒီယိုဖိုင် လူပြောသူပြောများလာပြီး လူအများကလည်း ချီးကျူးဂုဏ်ယူကြတာ တွေ့ရပါတယ်။
ဒါကြောင့် ဒီဗီဒီယိုဖိုင်ထဲကအဖွဲ့ဖြစ်တဲ့ အမေ့သမီးအဖွဲ့က မဖြူဖြူကိုတော်လှန်ရေး မှာ အားကြိုးမာန်တက် အခုလိုကူညီထောက်ပို့ဖြစ်တာနဲ့ပတ်သက်ပြီး ရန်ကုန်ခေတ်သစ်က ဆက်သွယ်မေးမြန်းထားပါတယ်။
