ကရင်နီအမျိုးသားများကာကွယ်ရေးတပ် (KNDF) ဗျူဟာ အမှတ် ၆ အပတ်စဉ် ၃ အခြေခံစစ်သင်တန်းဆင်းပွဲ ပြုလုပ်
ရန်ကုန်၊ ဖေဖော်ဝါရီ ၉
ကရင်နီအမျိုးသားများကာကွယ်ရေးတပ် (KNDF) ဗျူဟာအမှတ် ၆ မှ ၂ လတာပြုလုပ်ခဲ့သည့် အပတ်စဉ် ၃ အခြေခံစစ်သင်တန်းဆင်းပွဲကို ဖေဖော်ဝါရီလ ၇ ရက်နေ့တွင် ဗျူဟာနယ်မြေတစ်ခု၌ ပြုလုပ်ခဲ့သည်။
KNDF ဗျူဟာအမှတ် ၆ ၏ အပတ်စဉ် ၃ အခြေခံစစ်သင်တန်းအား ဗျူဟာနယ်မြေရှိ တပ်ရင်းတပ်ဖွဲ့များမှ ရဲဘော်ရာကျော် တက်ရောက်ခဲ့ပြီး သင်တန်းဆင်းပွဲ၌ ကရင်နီပြည်တပ်မတော်(KA) မှ တပ်ဗိုလ်တပ်မှူးများ၊ KNDF တာဝန်ရှိသူများ ၊ သင်တန်းသားများ၏ မိသားစုဝင်အချို့နှင့် ဖိတ်ကြားထားသည့် ဧည့်သည်များ၊ အဖွဲ့အစည်းများ တတ်ရောက်ခဲ့ကြကြောင်း၊ KNDF ဗျူဟာ အမှတ် ၆ ၏ သင်တန်းဆင်းပွဲတွင် သင်တန်းပြီးမြောက်ကာ တော်လှန်ရေးတာဝန်များ ထမ်းဆောင်ရန် အသင့်ဖြစ်နေသော ရဲဘော်များက စစ်ကောင်စီထံမှ သိမ်းဆည်းရရှိခဲ့သော လက်နက်အချို့ကို အသုံးပြု၍ စစ်ရေးပြခြင်းများအား ပြုလုပ်ခဲ့ကြောင်း သိရှိရသည်။
