ကလေးမြို့မှ ရဲတပ်သား ၂ ဦး သေနတ် ၂ လက်ယူဆောင်လာပြီး အလင်းဝင်၊ ငွေကျပ် သိန်း ၅၀ ဆုချီးမြှင့်
ရန်ကုန်၊ မတ် ၂၄
စစ်ကိုင်းတိုင်း၊ ကလေးမြို့မှ ရဲတပ်သား ၂ ဦး သေနတ် ၂ လက် ယူဆောင်လာပြီး အလင်းဝင်လာသောကြောင့် ငွေကျပ် သိန်း ၅၀ ဆုချီးမြှင့်ပေးခဲ့ကြောင်း Chinland Defense Force – Kalay Kabaw Gangaw က ထုတ်ပြန်ထားသည်။
မတ်လ ၂၄ ရက်နေ့တွင် ကလေးမြို့မှ ရဲတပ်သား ၂ ဦးသည် G-3 လက်နက် အမျိုးစား သေနတ် ၂ လက် ၊ ကျည်ဘောက် ၈ ခု ၊ ကျည်ဆံ အတောင့် စုစုပေါင်း ၄၇၀ နှင့်အတူ CDF – KKG အဖွဲ့အစည်းထံ အလင်းဝင်ရောက်ခဲ့ကြောင်း သိရသည်။
အဆိုပါ အလင်းဝင်လာသော ရဲတပ်သား ၂ ဦးကို CDF-KKG အဖွဲ့က ဆုကြေးငွေ ကျပ်သိန်း ၅၀ ချီးမြှင့်ပေးခဲ့ပြီး လွတ်မြောက်နယ်မြေကို ပို့ဆောင်ပေးခဲ့ကြောင်း သိရှိရသည်။
