ဒီကနေ့ မတ် ၃၀ ရက်နေ့ မနက်ပိုင်း တင်ဆက်ပေးမယ့် သတင်းတွေကတော့
- ရန်ကုန်မှာ စစ်မှုထမ်းဖို့ဆင့်ခေါ်သူတွေ မလာတာကြောင့် စစ်တပ်နဲ့ရပ်ကွက်အုပ်ချုပ်ရေးအဖွဲ့တွေက မြင်သမျှ လူငယ်တွေကို ပိတ်ဆို့ဖမ်းဆီးပြီး စစ်တပ်ထဲ့ခေါ်ဆောင်နေတယ်လို့ သိရပါတယ်။
- ရန်ကုန်မြို့၊ အင်းစိန်မြို့နယ်အတွင်းရှိ စစ်မှုထမ်းဥပဒေကို အဓိက ညွှန်ကြားနေတဲ့ မြောက်ပိုင်းခ ရိုင်အထွေထွေအုပ်ချုပ်ရေးမှူးရုံးကို ပြင်းအားမြင့်မိုင်းတွေ အသုံးပြုပြီး မိုင်းခွဲတိုက်ခိုက်ရာ စစ်ကောင်စီ တပ်သားအချို့ ထိခိုက်ဒဏ်ရာရရှိခဲ့တယ်လို့ Anonymous Fighters Force-AFF ရန်ကုန်မြို့ပြ ပြောက်ကျား တပ်ဖွဲ့မှ တာဝန်ရှိသူတစ်ဦးက ပြောပါတယ်။
- စစ်ကိုင်းတိုင်း၊ ပုလဲမြို့ပေါ်ရှိ အကြမ်းဖက်စစ်တပ် တပ်စွဲထားတဲ့ ပုလဲမြို့မရဲစခန်းနဲ့ အထွေ ထွေအုပ်ချုပ် ရေးမှူးရုံးကို ဝင်ရောက်တိုက်ခိုက်ခဲ့ရာ စစ်သား ၈ ဦး သေဆုံးခဲ့တယ်လို့ 96 Solider အညာဒေသတပ်ဖွဲ့က ထုတ်ပြန်ပါတယ်။
- မန္တလေးမြို့ ကျုံးအနောက်ဘက် ၁၁ x ၈၆ လမ်းပေါ်ရှိ အိမ်ခြေ ၅၀၀ ခန့်ရှိတဲ့ ကြံခင်းရပ်ကွက်ကို အကြမ်းဖက် စစ်တပ်က အင်အား အလုံးအရင်းနဲ့ လာရောက်ပြီး နေအိမ်တွေကို ချိတ်ပိတ်ဖို့ လုပ်ဆောင် ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
