■ စစ်တပ်က သာသနာ့နယ်မြေ စေတီပေါ်နှင့်စာသင်ကျောင်းတွင် အခိုင်အမာ တပ်စွဲ ခံစစ်ပြင်ထားမှု စိစစ်တွေ့ရှိရ
ရန်ကုန်၊ ဧပြီ ၁၆
မန္တလေးတိုင်း၊ ပြင်ဦးလွင်မြို့နယ်နှင့် ရှမ်းပြည်နယ်၊ နောင်ချိုမြို့နယ်အစပ် သရက်ကုန်းကျေးရွာတိုက်ပွဲတွင် စစ်တပ်ဘက်မှ ၂၁ ဦးသေဆုံးပြီး လက်နက်ခဲယမ်း အမြောက်အမြားသိမ်းဆည်းရရှိကြောင်း ပြည်သူ့ကာကွယ်ရေးတပ်မတော်(မန္တလေး)က သတင်းထုတ်ပြန်သည်။
ဧပြီလ ၁၅ ရက်နေ့ ၊နံနက် ၅ နာရီ ၃၀ မိနစ်အချိန် နောင်ချိုမြိုနယ် သရက်ကုန်းကျေးရွာရှိ စစ်ကောင်စီစခန်းကို ထိုးစစ်ဆင် တိုက်ခိုက်ခဲ့ပြီး ယင်းနေ့ ညနေ ၄ နာရီ ၄၅ မိနစ်ဝန်းကျင်ခန့်တွင် စခန်းကို အပြီးသတ် သိမ်းပိုက်ရရှိခဲ့ကြောင်း၊ သရက်ကုန်းတိုက်ပွဲအတွင်း စစ်တပ်ဘက်မှ စစ်ကူလာသော စစ်ကူစစ်ကြောင်း ၂ ကြောင်းကို ထပ်မံပိတ်ဆို့ တိုက်ခိုက်ခဲ့ရာ ထိခိုက်သေဆုံးမှုများစွာဖြင့် စစ်တပ်က ဆုတ်ခွာသွားကြောင်း သိရှိရသည်။
သရက်ကုန်းတိုက်ပွဲအတွင်း လက်နက်ငယ် ၄၀ ကျော် ၊ ၆၀မမ ၂ လက် ၊ Drone Jammer ၁ ခု ၊ ခဲယမ်းအမြောက်အများအပါအဝင် စစ်သားအလောင်း ၂၁ လောင်း သိမ်းဆည်းရမိခဲ့ကြောင်း၊ အဆိုပါတိုက်ပွဲအတွင်း ပြည်သူ့ကာကွယ်ရေးတပ်မတော်(မန္တလေး)ဘက်မှလည်း ပေးဆပ်မှုအချို ရှိခဲ့ကြောင်း သိရှိရသည်။
စစ်ကောင်စီတပ်များ တပ်စွဲရာတွင် သာသနိက အဆောက်အအုံများနှင့် စာသင်ကျောင်းများတွင် တပ်စွဲလေ့ရှိကြောင်းတွေ့ရှိရပြီး သရက်ကုန်းကျေးရွာတွင်လည်း သာသနာ့နယ်မြေဖြစ်သော စေတီပေါ်နှင့်စာသင်ကျောင်းတွင် အခိုင်အမာ တပ်စွဲခံစစ်ပြင်ထားသည်ကို တွေ့ရှိရကြောင်း ပြည်သူ့ကာကွယ် ရေးတပ်မတော်(မန္တလေး)က သတင်းထုတ်ပြန်သည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
