■ နေအိမ် ၆၀၀ ကျော် မီးလောင်ပြာကျသွားပြီး ပြည်သူ ၃၀၀၀၀ ကျော် ထွက် ပြေးနေရ
ရန်ကုန်၊ ဧပြီ ၂၂
စစ်ကိုင်းတိုင်း၊ ကလေးမြို့နယ်မြောက်ပိုင်းနှင့် ချင်းပြည်နယ်အတွင်းရှိ ကျေးရွာများကို စစ်တပ်နှင့်ပျူစောထိးများက မီးရှို့ပြီး ဒရုန်းဖြင့် ဗုံးကျဲတိုက်ခိုက်မှုများ လုပ်ဆောင်နေသဖြင့် ပြည်သူတချို့ထိခိုက်မှုများရှိနေကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဧပြီလ ၂၁ ရက်နေ့ နံနက် ၆ နာရီ ၃၀ မိနစ်အချိန်မှစတင်ပြီး ကလေးမြို့နယ်၊ ယောက်ချိုကွင်းကျေးရွာတွင် တပ်စွဲထားသော စစ်တပ်နှင့် ပျူစောထီးများက ကလေးမြို့နယ်၊ ပြည်တော်သာ ကျေးရွာကို ဒရုန်းဖြင့် ဗုံးကျဲတိုက်ခိုက်ခဲ့ရာ အရပ်သားပြည်သူများ ထိခိုက်ရာရရှိကြောင်း ၊ ယင်းနောက် ချင်းပြည်နယ် ၊ မိုင်နွဲကျေးရွာကို ဆက်လက် စစ်ကြောင်းထိုးခဲ့ပြီး ယင်းကျေးရွာမှ နေအိမ်များကို စစ်တပ်က မီးရှို့ဖျက်ဆီးခဲ့ကြောင်း သိရှိရသည်။
“ချင်းပြည်နယ်၊ မိုင်နွဲကျေးရွာကို ဒရုန်းတွေနဲ့ဗုံးအရင်ကျဲပြီး စစ်ကြောင်းထိုးဝင်တယ်။ ရွာထဲဝင်ဝင်ချင်း အိမ်တွေကို မီးစရှို့တော့တာပဲ။ ဒရုန်းနှင့်ချတဲ့ ဗုံးသီးတွေလည်း မီးလောင်ဗုံးသီးတွေပါတယ်” ဟု ဒေသပြည်သူတစ်ဦးက ပြောဆိုသည်။
အကြမ်းဖက်စစ်တပ်စစ်ကြောင်းက ဧပြီလ ၅ ရက်နေ့မှစတင်ပြီး ကလေးမြို့အနောက်မြောက်ပိုင်း ဆည်ကြီးရွာကို စတင်စစ်ကြောင်းထိုး မီးရှို့မှုများ လုပ် ဆောင်ကြောင်း၊ ဧပြီလ ၅ ရက်နေ့မှ ယနေ့ ဧပြီလ ၂၂ ရက်နေ့အထိ ကလေးမြို့နယ်နှင့် ချင်းပြည်နယ်အတွင်းရှိ ကျေးရွာ ၃ ခုထက်မနည်းကို စစ်တပ်က မီးတင်ရှို့ဖျက်ဆီးခဲ့ကြောင်း၊ စစ်တပ်၏ မီးရှို့မှုကြောင့် နေအိမ် ၆၀၀ ထက်မနည်းမီးလောင်ပျက်စီးသွားခဲ့ကာ ပြည်သူ ၃၀၀၀၀ ကျော် စစ်ဘေးရှောင်နေရကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar #ကလေးမြို့နယ်နှင့် ချင်းပြည်နယ် #စစ်တပ်နှင့်ပျူစောထီး
