မိုင်းငေါ့မြို့နယ်တွင် နွေရာသီ ဆရာ၊ဆရာမ စွမ်းရည်မြင့်မားရေးသင်တန်း အပတ်စဥ် ၃ ဖွင့်လှစ်
ရန်ကုန်၊ဧပြီ ၂၄
တအာင်းပြည်၊ တပ်မဟာ(၂)စစ်ဒေသ၊ နမ့်ဆန်ခရိုင်၊ မိုင်းငေါ့မြို့နယ်တွင် တအာင်းပြည်ပညာရေးကောင်စီ- TLEC က နွေရာသီ ဆရာ၊ဆရာမ စွမ်းရည်မြင့်မားရေးသင်တန်း အပတ်စဥ် ၃ ကို ဧပြီလ ၂၂ ရက်နေ့တွင် ဖွင့်လှစ်ခဲ့ကြောင်း သိရှိရသည်။
သင်တန်းကို ဧပြီလ ၂၂ ရက်နေ့မှ မေလ ၂၂ ရက်နေ့ထိ ၁ လကြာ ဖွင့်လှစ်သင်ကြားသွားမည်ဖြစ်ပြီး သင်တန်းဆရာ၊ ဆရာမများ စုစုပေါင်း ၁၅၀ ဦး တက်ရောက်ခဲ့ကြောင်း၊ အဆိုပါသင်တန်းကို TNLA အုပ်ချုပ်ထားသည့် မိုင်းငေါ့မြို့နယ်အပြင် နမ့်ခမ်း၊ ကွတ်ခိုင်၊ နမ့်ဆန်၊ နမ္မတူ၊ မန်တုံနှင့် မိုင်းလုံမြို့တို့တွင်လည်း ဖွင့်လှစ်ခဲ့ကြောင်းသိရသည်။
