ရန်ကုန်၊ ဧပြီ ၂၉
အကြမ်းဖက်ဒုစစ်ခေါင်းဆောင် စိုးဝင်းသည် ဧပြီလ ၂၆ ရက်နေ့မှစတင်ပြီး နေပြည်တော်တွင် ရုံးပြန်တက်နေပြီဖြစ်ကြောင်း ရန်ကုန်ခေတ်သစ်၏ စစ်ဘက်သတင်းရင်းမြစ်က ပြောဆိုသည်။
ဧပြီလ ၃ ရက်နေ့မှ စတင်ပြီး လူမြင်ကွင်းမှ ပျောက်ကွယ်နေသော အကြမ်းဖက် ဒုစစ်ခေါင်းဆောင်စိုးဝင်းသည် မွန်ပြည်နယ်၊ အရှေ့တောင်တိုင်းစစ်ဌာနချုပ်အတွင်း ဒရုန်းဖြင့် တိုက်ခိုက်ခံရမှုကြောင့် ဒဏ်ရာ ရရှိခဲ့ရာမှ ဆေးကုသမှုခံယူခဲ့ပြီးနောက် ရုံးပြန်တက်နေခြင်းဖြစ်ကြောင်း၊ လက်ရှိအချိန်အထိ စစ်ကောင်စီ၏ အခမ်းအနားများကို ဒုစစ်ခေါင်းဆောင်က တက်ရောက်ခြင်းမရှိသေးဘဲ လူမြင်ကွင်းမှ ပျောက်ကွယ်နေသည့်မှာ ၂၆ ရက်ရှိလာပြီဖြစ်ကြောင်း သိရှိရသည်။
“ဧပြီလ ၂၆ ရက်နေ့မှာ ရုံးပြန်စတက်နေပါတယ်။ ပုံမှန် အလုပ်တွေ အကုန် ပြန်လည် စတင်နေပြီလို့ သိရပါတယ်” ဟု နေပြည်တော်စစ်ဘက်သတင်းရင်းမြစ်က ပြောဆိုသည်။
အကြမ်းဖက် ဒုစစ်ခေါင်းဆောင် စိုးဝင်းသည် ဧပြီလ ၉ ရက်နေ့နှင့် ဧပြီလ ၁၀ ရက်နေ့ မော်လမြိုင်ရှိ အရှေ့တောင်တိုင်းစစ်ဌာနချုပ်တွင် ဒရုန်းဖြင့် တိုက်ခိုက်ခံရမှုကြောင့် ပခုံး၊ လက်နှင့် အရိုးအကြောဆိုင်ရာ ဒဏ်ရာများရရှိခဲ့ကြောင်း၊ ယင်းနောက် ဒဏ်ရာများမှ ပြန်လည် သက်သာလာခြင်းဖြစ်ကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar #ဒုစစ်ခေါင်းဆောင် စိုးဝင်း
