မတ္တရာမြို့နယ်၊ ကျွဲကျကျေးရွာကို စစ်တပ်က တိုက်ပွဲဖြစ်ပွားခြင်းမရှိဘဲ မီးရှို့ဖျက်ဆီး
ရန်ကုန်၊ မေ ၁၂
မန္တလေးတိုင်း၊ မတ္တရာမြို့နယ်၊ ကျွဲကျကျေးရွာကို စစ်တပ်က တိုက်ပွဲဖြစ်ပွားခြင်းမရှိဘဲ မီးရှို့ဖျက်ဆီးခဲ့ကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။
မေလ ၁၀ ရက်နေ့ နံနက် ၅ နာရီ ၃၀ မိနစ်အချိန် စစ်တပ်နှင့်ပျူစောထီး စစ်အင်အား ၁၀၀ ဦးခန့်သည် မတ္တရာမြို့နယ်၊ ငါးလုံးင်္ပြန်ကျေးရွာမှ မတ္တရာမြို့နယ်၊ ကျွဲကျကျေးရွာ၊ ဆိပ်သာကျေးရွာဘက်သို့ စစ်ကြောင်းထိုးလာကြောင်း၊ မေလ ၁၀ ရက်နေ့ နံနက် ၇ နာရီ ၄၅ မိနစ်အချိန်တွင် စစ်ကောင်စီတပ်က ကျွဲကျကျေးရွာကို မီးတင်ရှို့ဖျက်ဆီးခဲ့ကြောင်း သိရှိရသည်။
“မေလ ၁၀ ရက်နေ့မှာတော့ တိုက်ပွဲ မဖြစ်ပါဘူး။ ဒါပေမယ့် အရင်ရက်တွေက တိုက်ပွဲဖြစ်ပြီးတော့ စစ်တပ်က အထိနာထားတယ်။ အဲဒါကြောင့် ထင်ပါတယ်။ ကျွဲကျကျေးရွာကို မီးရှို့ ပါတယ်။ နေအိမ် ၇ လုံးနဲ့ ဆိုင်ကယ် ၁ စီး မီးထဲပါသွားပါတယ်” ဟု ဒေသပြည်သူတစ်ဦးက ရှင်းပြသည်။
လက်ရှိတွင် စစ်တပ်က မတ္တရာမြို့နယ်အတွင်း စစ်ကြောင်းထိုးနေသဖြင့် ပြည်သူ ထောင်သောင်းချီ၍ ထွက်ပြေးနေရကြောင်း သိရှိရသည်။
![](https://yktnews.com/wp-content/uploads/2024/05/441269974_803935388500736_1488632596688291979_n.jpg)
![](https://yktnews.com/wp-content/uploads/2024/05/441408993_803935475167394_1160406029648686810_n.jpg)
![](https://yktnews.com/wp-content/uploads/2024/05/441208314_803935498500725_856845463998342342_n.jpg)
![](https://yktnews.com/wp-content/uploads/2024/05/441057235_803935468500728_3066696034886536657_n.jpg)