ရန်ကုန်မြို့နှင့် မန္တလေးမြို့ရှိ လူစည်ကားရာ နေရာများတွင် မတရားသည့် စစ်မှုထမ်းဥပဒေကို တုံ့ပြန်ရန် လက်ကမ်းစာရွက်များ ဖြန့်ဝေ

ရန်ကုန်မြို့နှင့် မန္တလေးမြို့ရှိ လူစည်ကားရာ နေရာများတွင် မတရားသည့် စစ်မှုထမ်းဥပဒေကို တုံ့ပြန်ရန် လက်ကမ်းစာရွက်များ ဖြန့်ဝေ

ရန်ကုန်၊ မေ ၁၉

ရန်ကုန်မြို့နှင့် မန္တလေးမြို့ရှိ လူစည်ကားရာ နေရာများတွင် ပြည်သူ့ရင်ခွင်နှင့် တော်လှန်ရေးအဖွဲ့အစည်းများ ပူးပေါင်း၍ မတရားသည့် စစ်မှုထမ်းဥပဒေကို တုံ့ပြန်ရန် လက်ကမ်းစာရွက်များ ဖြန့်ဝေခြင်းကို ယနေ့ မေ ၁၉ ရက်နေ့တွင် ပြုလုပ်ခဲ့ကြောင်း သိရှိရသည်။

အကြမ်းဖက်စစ်တပ်၏ မတရား ခေါ်ဆောင်သွားခံရသည့်အခါတွင် တုံ့ပြန်ဆောင်ရွက်နိုင်သည့် အရာများကို လမ်းညွှန်ပေးသည့် လက်ကမ်းစာရွက်များ ဖြစ်ကြောင်း၊ အဆို လက်ကမ်း စာရွက်များကို Kyimyidaing Networks (KMD18)၊ Mayangone Democratic Front (MDF)၊ Owl Community၊ လင်းရောင်နီ (လူငယ် အဖွဲ့အစည်း)၊ ရေဘဝဲ (ပြည်သူ့အကျိုးပြု လူငယ်အဖွဲ့အစည်း)၊ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်၊ လူ့ဘောင်သစ် (လူငယ်အဖွဲ့အစည်း)၊ စမ်းချောင်းပင်မသပိတ်စစ်ကြောင်းများနှင့် ပြည်သူ့ရင်ခွင် – People’s Embrace အဖွဲ့တို့ ပူးပေါင်းစီစဉ်ဆောင်ရွက်ခဲ့ခြင်း ဖြစ်ကြောင်း သိရှိရသည်။