26.6 C
Yangon

မောင်တောရှိ စစ်ကောင်စီ၏ အင်းဒင်နှင့် မြင်းလွတ် နယ်ခြားစောင့်တပ်ဖွဲ့ ခွဲ စခန်း ၂ ခုကို AA က သိမ်းပိုက်ရရှိပြီး ကျန်နယ်ခြားစောင့်တပ်ဖွဲ့ခွဲစခန်း ၃ ခုလည်း အခြေအနေ မကောင်း

Must read

ရန်ကုန်၊ ဇွန် ၇

ရခိုင်ပြည်၊ မောင်တောမြို့နယ်ရှိ စစ်ကောင်စီ၏ အင်းဒင်နှင့် မြင်းလွတ် နယ် ခြား စောင့်တပ်စခန်း ၂ ခုကို ရက္ခိုင်တပ်တော် AA က သိမ်းပိုက်ရရှိသွားပြီဖြစ်ကြောင်း ရဲသတင်းရင်းမြစ်များက ပြောဆိုကြသည်။

ယမန်နေ့ ဇွန်လ ၆ ရက်နေ့တွင် အမှတ် ၆ နယ်ခြားစောင့်တပ်ဖွဲ့ခွဲ (နခခ ၆ အင်းဒင်) ကိုလည်းကောင်း၊ ယနေ့ ဇွန် လ ၇ ရက်နေ့ အမှတ် ၉ နယ်ခြားစောင့်တပ်ဖွဲ့ခွဲ (နခခ ၉ မြင်းလွတ်) ကိုလည်းကောင်း AA က သိမ်းပိုက်ရရှိသွားကြောင်း၊ အဆိုပါစခန်း ၂ ခုလုံးနှင့် အဆက်အသွယ်ပြတ်တောက်သွားပြီး နောက်ဆုံးအခြေအနေကို မသိရှိရကြောင်း၊ တိုက်ပွဲဖြစ်ပွားစဉ် နခခ ၆ အင်းဒင်မှ အရာရှိများက စခန်းဆုတ်ခွာခွင့် တောင်းခံခဲ့ကြပြီးနောက် အ ဆက် အသွယ်လုံး၀ ပြတ်တောက်သွားခြင်းဖြစ်ကြောင်း၊ နခခ ၂ ၄မိုင်စခန်း၊ နခခ ၄ မောရ၀တီစခန်း၊ နခခ ၅ မြို့သူကြီးစခန်းများမှာလည်း စခန်းမကျဆုံးရေးအတွက် စစ်ကောင်စီက ကြည်းရေလေ ပူးပေါင်း စစ်ကူပေးလျက်ရှိသော်လည်း ပတ် ပတ်လည် ပိတ်ဆို့ခံထားရကြောင်း သိရှိရသည်။

ရန်ကုန်ခေတ်သစ်သို့ ဆက်သွယ်လာသော အမှတ် ၆ နယ်ခြားစောင့်တပ်ဖွဲ့ခွဲ (နခခ ၆ အင်းဒင်)မှ ရဲတပ်ဖွဲ့ဝင် တစ်ဦး၏ ဇနီးဖြစ်သူက ဇွန်လ ၅ ရက်နေ့မှစတင်ပြီး ၎င်း၏ ခင်ပွန်းဖြစ်သူနှင့် အဆက်အသွယ်ပြတ်တောက်သွားကြောင်း၊ ဇွန်လ ၆ ရက်နေ့ တစ်နေ့လုံး ဆက်သွယ်၍ မရတော့ဘဲ ဇွန်လ ၇ ရက်နေ့တွင်လည်း အဆက်အသွယ် မရကြောင်း၊ သက်ဆိုင်ရာ ပြည်ထဲရေးဝန်ကြီးဌာနနှင့် မြန်မာနိုင်ငံရဲတပ်ဖွဲ့ ဌာနချုပ်သို့ ဆက်သွယ်မေးမြန်းသော် လည်း အဖြေအတိအကျ မရရှိကြောင်း၊ လက်နက်ချ အညံ့ခံသူများကို အသက်ချမ်းသာ သက်ညှာပေးရန် တောင်းဆိုကြောင်း ပြောဆိုသည်။

“ဒဏ်ရာရခဲ့ရင်လည်း ဆေးကုပေးကြပါ။ လက်နက်ချရင်လည်း အသက်ချမ်းသာပေးပါ။ ပြေးခဲ့ရင်လည်း လွတ်အောင်ပြေးပါ။ နောက်မှာကျန်ခဲ့တဲ့သူတွေကို စိတ်မပူပါနဲ့။ ပြန်လည်း မလာပါနဲ့” ဟု အမှတ် ၆ နယ်ခြားစောင့်တပ်ဖွဲ့ခွဲ (နခခ ၆ အင်းဒင်)မှ ရဲတပ်ဖွဲ့ဝင် တစ်ဦး၏ ဇနီး ဖြစ်သူကပြောဆိုသည်။

ရက္ခိုင်တပ်တော် AA က ရခိုင်ပြည်နယ်မြောက်ပိုင်းတွင် မြို့နယ်အများစုကို သိမ်းပိုက်ထားပြီး မောင်တောမြို့နယ်နှင့် ကပ်လျက် ဘူးသီးတောင်မြို့နယ်ကိုလည်း အလုံးစုံ ထိန်းချုပ် သိမ်းပိုက်ရရှိထားပြီဖြစ်ကြောင်း သိရှိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar

A Myanmar border guard policeman gurads a police station in Buthidaung on January 7, 2019. – Myanmar has called on its military to “launch operations” against ethnic Rakhine rebels behind a deadly attack on four police stations last week, a government spokesman said on January 7, as a surge of violence grips the restive western state. (Photo by – / AFP)
- Advertisement -spot_img

More articles

- Advertisement -spot_imgspot_imgspot_imgspot_img

Latest article