ရှမ်းပြည်နယ်တောင်ပိုင်းပြည်သူ့ကာကွယ်ရေးတပ်မတော် Ywangan PDF-(JPRF) Local အဖွဲ့၏ အပတ်စဥ် ၁ အခြေခံစစ်ပညာသင်တန်းဆင်းပွဲ ပြုလုပ်
ရန်ကုန်၊ ဇွန် ၉
ရှမ်းပြည်နယ်တောင်ပိုင်းပြည်သူ့ကာကွယ်ရေးတပ်မတော် Ywangan PDF-(JPRF) Local အဖွဲမှ အမှတ်စဥ်(၁/၂၀၂၄) အပတ်စဥ် ၁ အခြေခံစစ်ပညာသင်တန်းဆင်းပွဲကို ဇွန်လ၊ ၈ ရက်နေ့တွင် ပြုလုပ်ခဲ့ကြောင်း သိရှိရသည်။
အဆိုပါသင်တန်းသည် သင်တန်းကာလ နှစ်လခန့်ကြာမြင့်ခဲ့ပြီး သင်တန်းကာလတွင် ရဲဘော်များ ခန္ဓာကိုယ် ကျန်းမာကြံ့ခိုင်စေရန်နှင့် ခက်ခဲ၊ကြမ်းတမ်း ပြင်းထန်သည့် သင်တန်းအမျိုးအစားများ ပါဝင်သကဲ့သို့ စိတ်ဓာတ်ပိုင်း လိုအပ်ချက်ဖြစ်သည့် နိုင်ငံရေး အခြေခံအသိကိုလည်း ထည့်သွင်းသင်ကြားပေးခဲ့ကြောင်း၊ သင်တန်းဆင်းပွဲတွင် တာဝန်ခံ၊ တပ်ရင်းတာဝန်ခံများမှ မိန့်ခွန်းပြောကြားခြင်းအပြင် ဖိတ်ကြားထားသော အခြားမဟာမိတ်အဖွဲ့ဝင်များမှ လက်နက်ကိုင်တော်လှန်ရေးလုပ်ဆောင်ရာတွင် လိုအပ်သောအရည်အသွေးများကို ပြောကြားခဲ့ကြောင်း သိရှိရသည်။
