ရန်ကုန်၊ ဩဂုတ် ၁၃
မန္တလေးတိုင်း၊ တောင်သာမြို့နယ်၊ ပြဿဒ်ကြီးရွာရှိ ကမ်းပါးယံ ဘုန်းကြီး ကျောင်း ကို အကြမ်းဖက် စစ်တပ်က လေကြောင်းဖြင့် ဗုံးကျဲ တိုက်ခိုက်ခဲ့ကြောင်း တောင်သာမြို့နယ် လူထုလှုပ်ရှားမှု ကော်မတီက တာဝန်ရှိသူ တစ်ဦးက ရန်ကုန်ခေတ်သစ်မီဒီယာသို့ ပြောဆိုသည်။
ဩဂုတ်လ ၁၁ ရက်နေ့ ည ၁၁ နာရီ ၃၄ မိနစ်ခန့်တွင် ပြဿဒ်ကြီးရွာ ကမ်းပါးယံ ဘုန်းတော်ကြီးကျောင်းကို အကြမ်းဖက် စစ်တပ်က လေကြောင်းဖြင့် ဗုံးကျဲ တိုက်ခိုက်ခဲ့ခြင်း ဖြစ်ကြောင်း သိရသည်။
“ပြည်သူတွေ ထိခိုက် ဒဏ်ရာရတာတော့ မရှိဘူး။ အဆောက်အဦးတွေ ဘုရားစေတီတွေတော့ ပျက်ဆီးသွားပါတယ်။ လေကြောင်းတိုက်ခိုက်မှု ၂ ကြိမ်ဖြစ်ခဲ့တာပါ” ဟု တောင်သာမြို့နယ် လူထုလှုပ်ရှားမှု ကော်မတီက တာဝန်ရှိသူ တစ်ဦးက ပြောဆိုသည်။
အလားတူ ဩဂုတ်လ ၁၂ ရက်နေ့ နံနက် ၅ နာရီ ၄၅ မိနစ်ခန့်ကလည်း ဘုရားလှရွာအနီး အကြမ်းဖက် စစ်တပ်က လေကြောင်းတိုက်ခိုက်မှု ပြုလုပ်ခဲ့ပြီး ပြည်သူများ ထိခိုက်မှုမရှိကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
