ဒီကနေ့ ဩဂုတ် ၁၇ ရက် ညနေပိုင်း တင်ဆက်ပေးမယ့် သတင်းတွေကတော့
- တိုင်းရင်းသားလက်နက်ကိုင်တွေ ထိန်းချုပ်ထားတဲ့ နယ်စပ်ဂိတ်တွေနဲ့ အခြားလမ်းကြောင်းတွေ ကနေတစ်ဆင့် ပြည်တွင်းကို ကုန်သွယ်မှုတွေ အလွန်များပြားလာတဲ့အတွက် ထိထိရောက်ရောက် ဖမ်းဆီးပေးကြဆိုပြီး အကြမ်းဖက် ဒုတိယ စစ်ခေါင်းဆောင် စိုးဝင်းက လျှို့ဝှက် ညွှန်ကြားလိုက်ပြန် တယ်လို့ နေပြည်တော် တရားမဝင်ကုန်သွယ်မှု တိုက်ဖျက်ရေးအထူးအဖွဲ့သတင်းရင်းမြစ်က ရန်ကုန်ခေတ်သစ်ကိုပြောပါတယ်။
- မန္တလေးတိုင်းမှာရှိတဲ့ မြင်းခြံ၊ တောင်သာ နဲ့ နွားထိုးကြီးမြို့နယ် ၃ ခုစလုံးက စစ်ကောင်စီလက်အောက်ခံ Non-CDM ဝန်ထမ်းတွေ ထွက်ပြေးကုန်ကြတဲ့အတွက် အကြမ်းဖက် စစ်ကောင်စီ ယန္တရား ၉၀ ရာခိုင်နှုန်း ရပ်ဆိုင်းသွားပြီဖြစ်တယ်လို့ မြင်းခြံခရိုင် အမှတ် ၉ တပ်ရင်းရဲ့ ဗိုလ်မိုက်ခဲက ပြောပါတယ်။
- ပဲခူးတိုင်း၊ ပေါင်းတည်မြို့နယ်က အကြမ်းဖက် စစ်ကောင်စီတပ်ရဲ့ သစ်ပုတ်တာဝါတိုင်အထိုင်စခန်းကို အင်အားဖြည့်ဖို့ ထွက်လာတဲ့ အကြမ်းဖက် စစ်ကောင်စီတပ်သားတွေကို တော်လှန်ရေးပူးပေါင်းတပ်တွေ က ကြားဖြတ်တိုက်ခိုက်မှုအတွင်း စစ်ကောင်စီတပ်သား ၁၄ ဦးကတော့ အသီးသီး သေကုန်ကြပြန်ပြီး ၊ စစ်သားတွေရဲ့ မသာအလောင်းတွေနဲ့ ဒဏ်ရာ ရတဲ့သူတွေကို ဖော်ကားပေါ်တင်ပြီး သယ်သွားကြတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
