ဆားလင်းကြီးမြို့နယ် သပိတ်တပ်ပေါင်းစုက ရွှေဝါရောင်တော်လှန်ရေး ၁၇ နှစ်ပြည့်အထိမ်းအမှတ်လူထုလှုပ်ရှားမှု ပြုလုပ်ခဲ့ကြ
ရန်ကုန်၊ စက်တင်ဘာ ၁၉
ဆားလင်းကြီးမြို့နယ် သပိတ်တပ်ပေါင်းစုက ရွှေဝါရောင်တော်လှန်ရေး ၁၇ နှစ်ပြည့်အထိမ်းအမှတ်လူထုလှုပ်ရှားမှု ပြုလုပ်ခဲ့ကြပြီး ၇၉ ကြိမ်မြောက် ကုလသမဂ္ဂအထွေထွေညီလာခံ ကျင်းပချိန်တွင် သံအမတ်ကြီးဦးကျော်မိုးထွန်းကို ဆက်လက်ထားရှိရေးအတွက် ဆန္ဒထုတ်ဖော်ခဲ့ကြကြောင်း သိရှိရသည်။
ဆန္ဒပြပြည်သူများက ‘’Our Ambassador Myanmar’s Voice”၊ “ငါတို့သံအမတ်ကြီးသည် ငါတို့မြန်မာပြည်ရဲ့အသံဖြစ်သည်‘’ စာသားနှင့်အတူ သံအမတ်ကြီး၏ ပိုစတာများကို ကိုင်ဆောင်ကာ လူထုအင်အားများစွာဖြင့် ဆန္ဒထုတ်ဖော်ပြသခဲ့ကြကြောင်း သိရှိရသည်။
