မန္တလေး၊ တောင်ကြီးနှင့် မူဆယ်တို့တွင် အယောင်ဆောင် ငွေညှစ်ခြင်းနှင့် ရိက္ခာတောင်းမှုများကို ပြင်းပြင်းထန်ထန် အရေးယူမည်ဟု ကြေညာပြီး မန္တလေးကို ထိုးစစ်ဆင် ရန်မရှိဟု MNDAA ထပ်မံ ထုတ်ပြန်

ရန်ကုန်၊ စက်တင်ဘာ ၂၄

မန္တလေး၊ တောင်ကြီးနှင့် မူဆယ်တို့တွင် MNDAA အယောင်ဆောင် ငွေညှစ်တောင်းခံခြင်းနှင့် ရိက္ခာတောင်းခံမှုများကို အချိန်အကန့်အသတ် မရှိ ပြင်းပြင်းထန်ထန် အရေးယူမည်ဟု MNDAA က ထုတ်ပြန်ကြေညာလိုက်ပြီး ပြည်သူများ တိုင်ကြားကြရန်လည်း ဖိတ်ခေါ်သည်။

မန္တလေး၊ တောင်ကြီးနှင့် မူဆယ် အပါအဝင် မြန်မာနိုင်ငံ နေရာအနှံ့တွင် ကျားဖြန့် ကုမ္ပဏီနှင့် စီးပွားရေးပိုင်ရှင်များထံမှ MNDAA အယောင်ဆောင်ပြီး ငွေညှစ်ငွေလိမ်ခြင်း၊ ရိက္ခာတောင်းခံခြင်းနှင့် ငွေကြေးကောက်ခံခြင်းများ ပြုလုပ်ကြောင်း၊ အဆိုပါ လုပ်ရပ်များသည် MNDAA ၏ ဂုဏ်သိက္ခာကို ပြင်းပြင်းထန်ထန် ထိခိုက်စေသည့်အတွက် မသမာသူများကို ဥပဒေနှင့်အညီ အချိန်အကန့်အသတ်မရှိ ပြင်းပြင်းထန်ထန် အရေးယူမည်ဟု MNDAA က ကြေညာသည်။

ထိုပြင် မြန်မာနိုင်ငံ၏ အခြေအနေ မတည်ငြိမ်မှုကြောင့် မသမာသူများအား ပြစ်မှုကျူးလွန်သည့် အခွင့်အရေးများ ရရှိသွားစေကြောင်း၊ MNDAA သည် ပြည်သူလူထုံမှ ငွေညှစ် ငွေလိမ်သော လုပ်ရပ်များကို လုံး၀ ပြုလုပ်မည်မဟုတ်ကြောင်း၊ မန္တလေးတွင် အခွန်ကောက်ခံခြင်းနှင့် မန္တလေးကို ထိုးစစ်ဆင်တိုက်ခိုက်မည့် မူဝါဒများ ချမှတ်ထားခြင်းမရှိကြောင်း MNDAA က ဆိုသည်။

ပြည်သူများအနေဖြင့် ငွေညှစ်၊ ငွေလိမ်ခြင်းနှင့်ပတ်သက်သော စာရွက်စာတမ်းများ ရရှီပါက MNDAA ထံသို့ သတင်းပေးပို့ တိုင်ကြားကြရန်၊ မသမာသူများကို ဥပဒေနှင့်အညီ ဖမ်းဆီး အရေးယူသွားမည်ဖြစ်ကြောင်း ထုတ်ပြန်ကြေညာထားသည်။

ဓာတ်ပုံ – MNDAA ထိပ်ပိုင်းခေါင်းဆောင်တချို့နှင့် တပ်ဖွဲ့ဝင်များ။ (ပုံအဟောင်း ဖြစ်ပါသည်။)

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar