ကန်ပိုက်တီမြို့သိမ်းတိုက်ပွဲတွင် စစ်ကောင်စီတပ်ဘက်မှ ဗိုလ်ကြီး အပါအဝင် စစ်သုံ့ပန်းများ ဖမ်းဆီးရရှိပြီး လက်နက် ၁၀၀ ကျော်နှင့် ဒရုန်းများပါ သိမ်းပိုက်ရရှိ၊ KIA က အလံတင်ပြီးနောက် တရုတ်က နယ်စပ်ဂိတ်ကို ပိတ်ထား

ရန်ကုန်၊ နိုဝင်ဘာ ၂၂

ကချင်ပြည်နယ်၊ တရုတ်-မြန်မာနယ်စပ်ရှိ ကန်ပိုက်တီမြို့ကို KIA က သိမ်းပိုက်ပြီးနောက် စစ်ကောင်စီတပ်ဘက်မှ ဗိုလ်ကြီး အပါအဝင် စစ်သုံ့ပန်းများ ဖမ်းဆီးရရှိပြီး လက်နက် ၁၀၀ကျော်နှင့် ဒရုန်းများပါ သိမ်းပိုက်ရရှိကြောင်း KIA သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

နိုဝင်ဘာလ ၂၀ ရက်နေ့ ကန်ပိုက်တီမြို့ကို KIA ဦးဆောင်သော တော်လှန်ရေးတပ်များက တိုက်ခိုက်သိမ်းပိုက်လိုက်ပြီးနောက် မြို့အတွင်းနှင့်ပတ်ဝန်းကျင်ကို နယ်မြေရှင်းလင်းရေး လုပ်ဆောင်ခဲ့ကြောင်း၊ ယင်းသို့လုပ်ဆောင်ရာတွင် စစ်ကောင်စီတပ်ဘက်မှ ဗိုလ်ကြီး အပါအဝင် စစ်သုံ့ပန်းများ ဖမ်းဆီးရရှိကြောင်း၊ လက်နက် ၁၀၀ ကျော်နှင့် ခဲယမ်းများ၊ ဒရုန်းများစွာကိုလည်း သိမ်းဆည်းရရှိကြောင်း သိရှိရသည်။

“စစ်သုံ့ပန်းတွေလည်း ဖမ်းဆီးရရှိပါတယ်။ ဗိုလ်ကြီးအဆင့်ပါတယ်။ လက်နက် ၁၀၀ ကျော်နဲ့ ဒရုန်းတွေလည်းရတယ်။ တရုတ်ဘက်က နယ်စပ်ဂိတ်ကိုပိတ်ထားပါတယ်” ဟု KIA သတင်းရင်းမြစ်က ရှင်းပြသည်။

KIA က ကန်ပိုက်တီမြို့နှင့် တရုတ်-မြန်မာနယ်စပ် ချစ်ကြည်ရေး ဥမင်လှိုဏ်ခေါင်းတွင် KIA က ကချင်အမျိုးသားအလံတော်ကို လွှင့်ထူခဲ့ကြောင်း၊ဆက်လက်၍ နယ်မြေလုံခြုံရေးနှင့် ကန်ပိုက်တီမြို့၏ လုံခြုံရေးကို KIA က တာဝန်ယူထားကာ နယ်စပ်ဂိတ်တွင်လည်း KIA စစ်သားများ စောင့်ကြပ်နေကြောင်း သိရှိရသည်။

KIA က စစ်ကောင်စီ လက်အောက်ခံ ဇခုန်တန့်ယိန်း- NDAK ထိန်းချုပ်ထားသော ကချင်အထူးဒေသ ၁ တစ်ခုလုံးကို သိမ်းပိုက်နိုင်ခဲ့ပြီဖြစ်ကြောင်း သိရှိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar