ဖားကန့်တွင် လွတ်လပ်ရေးနေ့ အထိမ်းအမှတ် စစ်အာဏာရှင် ဆန့်ကျင်ရေး ချီတက် ဆန္ဒပြ
ကချင်ပြည်နယ်၊ ဖားကန့်မြို့တွင် ဇန်နဝါရီလ ၄ ရက်နေ့ ကျရောက်သည့် ၇၇ နှစ်မြောက်လွပ်လပ်ရေးနေ့အဖြစ် စစ်အာဏာရှင် ဆန့်ကျင်ရေး လူထုသပိတ်နှင့် KIA ၊ PDF၊ NUG ထောက်ခံပွဲပြုလုပ်ခဲ့ကြောင်း သိရှိရသည်။
ဖားကန့်ပြည်သူများက ကချင်ပြည်နယ်အနှံ့ မြို့သိမ်းတိုက်ပွဲများ ဆင်နွဲနေသော KIA ၊ KPDF နှင့်မဟာမိတ် တပ်ဖွဲ့များ တိုက်ပွဲတိုင်းတွင် အနိုင်ရရှိစေရန် ဆုတောင်းပေးခဲ့ကြပြီး “ စစ်အာဏာရှင်စနစ် ကျဆုံးပါစေ”၊ “ဖက်ဆစ်စစ်တပ် အမြစ်ဖြတ်” ၊ “ မီးရှို့ လူသတ် မုဒိမ်းစစ်တပ်အလိုမရှိ” ၊ ” နွေဦးတော်လှန်ရေး အမြန်အောင်ဖို့ ပြည်သူအားလုံးပါဝင်စို့ “ စသည့်ကြွေးကြော်သံများဖြင့်ချီတတ် သပိတ်မှောက်ခဲ့ကြကြောင်း သိရှိရသည်။
