မုံရွာမြို့နယ်နှင့်ချောင်းဦးမြို့နယ်တို့တွင် စစ်တပ်စခန်းနှင့် စစ်ယာဉ်တန်းကို လက်နက်ကြီးများ၊ မိုင်းများဖြင့် တိုက်ခိုက်မှု စစ်သား များ ထိခိုက်သေဆုံးမှုရှိနိုင်

ရန်ကုန်၊ မတ် ၂၇

စစ်ကိုင်းတိုင်း၊ ချောင်းဦးမြို့နယ်၊ မုံရွာ – မန္တလေးလမ်းပိုင်း ချောင်းဦးမြို့အနီးတွင် စစ်ကောင်စီယာဉ် တန်းကို မိုင်းဆွဲတိုက်ခိုက်ခဲ့ကြောင်း မုံရွာခရိုင် တပ်ရင်း ၁၂ ၊ တပ်ခွဲ ၃ လျှပ်စီး တပ်ခွဲမှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

မတ်လ ၂၅ ရက်နေ့ နံနက် ၈ နာရီ ၁၅ မိနစ်အချိန် စစ်ကိုင်းမြို့ တပ်မ ၃၃ မှ ထွက်လာသော အက်ဆစ်တင် ကားတန်းအား လုံခြုံရေးယူပေးရန်အတွက် မုံရွာမြို့ နမခမှ ထွက်လာသော သံချပ်ကာ ယာဉ် ၄ စီးပါ ယာဉ်တန်းကို မုံရွာ -မန္တ လေးလမ်းမပေါ် ချောင်းဦးမြို့အနီးတွင် မိုင်းဆွဲတိုက်ခိုက်ခြင်းဖြစ်ကြောင်း၊ ယင်းတိုက်ခိုက်မှုကြောင့် သံချပ်ကာ ယာဉ်များကို ထိခိုက်မှုရှိသော်လည်း စစ်သားများ ထိခိုက်သေဆုံး မှုကို အတည်ပြုနိုင်ခြင်းမရှိသေးကြောင်း သိရသည်။

“အက်ဆစ်တင်ကားတန်းကို လုံခြုံရေးယူပေးဖို့ နမခကနေ ထွက်လာတဲ့ သံချပ်ကာ ကား ၄ စီးကို ဆွဲ ခဲ့တာ၊ ထိခိုက်သေဆုံးမှုတော့ မသိရသေးဘူး။ မိုင်းက ၃ လုံးတွဲ ပဒေသာ ၁ ပွိုင့်ရယ်၊ ၇ လုံးတွဲ တစ် ပွိုင့်ရယ်ဆွဲခဲ့တာ။ ပြန်ပစ်တာတွေတော့ရှိတယ်။ မိုင်းဆွဲပြီးတော့ တောက်လျှောက်ပဲ၊ နတ်ရေကန် စစ်ဆေးရေးဂိတ်နားအထိ တောက်လျှောက်ပစ်ခတ်သွားတာ” ဟု မုံရွာခရိုင် တပ်ရင်း ၁၂ ၊ တပ်ခွဲ ၃ လျှပ်စီးတပ်ခွဲမှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

အဆိုပါ တိုက်ခိုက်မှုကို မုံရွာခရိုင် အမှတ် ၁၂ တပ်ရင်း ၊ တပ်ခွဲ ၃ လျှပ်စီးတပ်ခွဲ ၊ Nway Oo Brothers Column နှင့် Royal Tigers Force (ဆားးလင်းကြီး) တပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

“ကျနော်တို့ဒေသမှာ ပါရာမိုတာနဲ့ တိုက်ခိုက်ခံရလို့ ထိခိုက်သေဆုံးတာတွေ တော်တော်များများ ဖြစ်နေတယ် ၊ တော်လှန်ရေး ရဲဘော်တွေ ထိခိုက်တာမဟုတ်ပဲနဲ့ အရပ်သားပြည်သူတွေကို ထိခိုက် နေတာ၊ တချို့ဒေသတွေက ပေါ့ဆကြတာပေါ့ ၊ ဒါကြောင့် လေကြောင်းအန္တရာယ်သတိရှိကြဖို့နဲ့ ဗုံးခို ကျင်းတွေတူးထားကြဖို့ တိုက်တွန်းချင်တယ်။ ပါရာမိုတာနဲ့တိုက်ခိုက်ခံရလို့ ထိတဲ့ရွာတွေက ဗုံးခို ကျင်းတွေ မတူးထားကြတဲ့ရွာတွေက ထိခိုက်တာများတယ်။” ဟု မုံရွာခရိုင် တပ်ရင်း ၁၂ ၊ တပ်ခွဲ ၃ လျှပ်စီး တပ်ခွဲမှ တာဝန်ရှိသူ တစ်ဦးက တိုက်တွန်းပြောဆိုသည်။

ထို့အပြင်စစ်ကိုင်းတိုင်း၊ မုံရွာမြို့နယ်၊ တောပုရွာရှိ ပျူစောထီးစခန်းကို ရှော့တိုက်ဒုံး၊ လက်နက်ကြီး၊ လက်နက် ငယ်များဖြင့် ပစ်ခတ်တိုက်ခိုက်ခဲ့ရာ စစ်သားများ ထိခိုက်သေဆုံးမှုရှိနိုင်ကြောင်း တောင်ပံ နီ အထူး ပြောက်ကျားတပ်ဖွဲ့ – Salingyi ထံမှ သိရသည်။

မတ်လ ၂၅ ရက် ညနေ ၃ နာရီက မုံရွာမြို့နယ်၊ တောပုရွာရှိ ပျူစောထီးစခန်းကို ပြည်သူ့ကာကွယ် ရေး ပူးပေါင်းတပ်ဖွဲ့မှ ၆၀ မမ ၊ ၈၀ မမ ၊၁၂၀ မမ ၊ ၁၀၇ ရှော့တိုက်ဒုံး၊ လက်နက်ငယ်များဖြင့် အနီး ကပ် ပစ်ခတ် တိုက်ခိုက်ခဲ့ရာ တောပုပျူရွာအတွင်းသို့ လက်နက်ကြီးအဖူးများ ကျရောက်ပေါက်ကွဲပြီး စစ်သား၊ ပျူစောထီးများ ထိခိုက်မှုများရှိနိုင်ကြောင်း၊ စစ်သား ၊ ပျူစောထီးများဘက်ကလည်း လက် နက်ကြီး၊ လက်နက်ငယ်များဖြင့် ပြန်လည် ပစ်ခတ်တိုက်ခိုက်ခဲ့ကြောင်း သိရသည်။

အဆိုပါ တိုက်ခိုက်မှုကို ယင်းမာပင်ခရိုင်တပ်ရင်း ၃၅ ၊ တပ်ခွဲ ၃ တောင်ပံနီ အထူးပြောက်ကျားတပ် ဖွဲ့ (Salingyi) ၊ ချင်းတွင်းဒိုင်းနမိုက်ပြည်သူ့ကာကွယ်ရေးတပ်ဖွဲ့ (Salingyi) ယင်းမာပင်ခရိုင် တပ် ရင်း ၃၅ ၊ တပ်ခွဲ ၃ ၊ တပ်စိတ် ၁ 5/Fighter Group (Monywa) နှင့် SOLO Aung Gyi (Salingyi) တပ်ဖွဲ့တို့ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

တော်လှန်ရေးကာလအချိန့်ကြာမြင့်လာသည်နှင့်အမျှ ကျည်၊ လက်နက် ၊ ထုတ်လုပ်ရေးစရိတ်များ လို အပ်နေသည့်အတွက် ပြည်တွင်း ၊ ပြည်ပရှိ တော်လှန်ထောက်ပို့ပြည်သူများအနေဖြင့် ဝိုင်းဝန်း၍ ကူညီထောက်ပံ့ပေးကျပါရန် မေတ္တာရပ်ခံထားသည်။

ဓာတ်ပုံ – တော်လှန်ရေးတပ်ဖွဲ့များက သိမ်းဆည်းရရှိသည့် စစ်ကောင်စီတပ်၏ လက်နက်ကြီးတစ်ခု။ (ပုံအဟောင်းဖြစ်ပါသည်။)

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar