ရန်ကုန်၊ မတ် ၂၇
နေပြည်တော်တွင် ယမန်နေ့ညပိုင်း စစ်ရေးပြ စစ်ကြောင်းမှ အရာရှိနှင့်တပ်သားများအချင်းချင်း ခိုက်ရန်ဖြစ်ပွားခဲ့ပြီး ဒုဗိုလ်မှူးကြီး ၁ ဦး အပါအဝင် စစ်သား ၁၈ ဦး ဒဏ်ရာရရှိကြောင်း နေပြည်တော်၊တပ်သတင်းရင်းမြစ်များကို ကိုးကား၍ CDM ဗိုလ်ကြီး လင်းထက်အောင်က ပြောဆိုသည်။
ယမန်နေ့ မတ်လ ၂၆ ရက်နေ့ ည ၁၀ ဝန်းကျင်အချိန် နေပြည်တော်ရှိ တည်းခိုရေး ၃တွင် တည်းခိုနေကြသည့် စစ်ရေးပြ အခမ်းအနား ချီတက်ကြမည့် တပ်ဖွဲ့ဝင်များအကြား ခိုက်ရန်ဖြစ်ပွားခဲ့ကြောင်း၊ တည်းခိုဆောင် အ ဆောင် ၃နှင့် အဆောင် ၄ ရှိ ကျန်စစ်သားစစ်ကြောင်း၏ အိပ်ဆောင်အလိုက် ခိုက်ရန်ဖြစ်ပွားခဲ့ကြောင်း၊ ယမန်နေ့ညပိုင်း စစ်ခေါင်းဆောင်က ညစာစားပွဲ ကျင်းပခဲ့ပြီး စစ် ရေးပြ ချီတက်ကြမည့် စစ်သားများကိုလည်း စားသောက်၀ိုင်းများဖြင့် ကျွေး မွေးခဲ့ကြောင်း၊ စစ်ရေးပြချီတက်ကြမည့် စစ်သားတချို့က အရက်သေစာသောက်စားရာမှ စကားများရန်ဖြစ်ခဲ့ကြောင်း သိရှိရသည်။
နေပြည်တော် အိပ်ဆောင် ၁ ခုလျှင် စစ်သည်အင်အား ရာချီ ထားရှိပြီး ခိုက်ရန်ဖြစ်ပွားမှုတွင် အိပ်ဆောင် ၂ ခုမှ စစ်သား ရာဂဏန်းပါဝင်ခဲ့ကြောင်း၊ ရန်ဖြစ်သော နှစ်ဖက်အဖွဲ့က အုတ်ခဲနှင့် တုတ်များအသုံးပြု၍ ပစ်ခတ်ရိုက်နှက်ကြရာမှ စစ်သား ၁၅ ဦးခန့် ခေါင်းကွဲဒဏ်ရာနှင့် သွေးထွက်သံယိုဒဏ်ရာများ (မစိုးရိမ်ရ) ရရှိခဲ့ပြီး စစ်သား ၃ ဦး အသက်အန္တရာယ်စိုးရိမ်ရ ဒဏ်ရာ အပါအဝင် စုစုပေါင်း အရာရှိနှင့် စစ်သား ၁၈ ဦးခန့် ထိခိုက်ဒဏ်ရာရရှိခဲ့ကြောင်း၊ ထိခိုက်ဒဏ်ရာရရှိသူများအနက် ဒုတိယဗိုလ်မှူးကြီးအဆင့်ရှိ စစ်ကြောင်းတပ်ရင်းမှူး ၁ ဦး ပါ အရိုက်ခံရပြီး ဖူးယောင်ဒဏ်ရာများရရှိခဲ့ကြောင်း သိရှိရသည်။
ယင်း ရန်ပွဲကို တကက ၂ မှ အင်အားအလုံးအရင်းဖြင့် ဖျန်ဖြေခဲ့သော်လည်း မနိုင်သဖြင့် အကြမ်းဖက်နှိမ်နင်းရေးတပ်မှ လုံခြုံရေးများခေါ်ယူ၍ ကျင်စက်များအသုံးပြုကာ လူစုခွဲခဲ့ရကြောင်း၊ ဖြစ်စဉ်ဖြစ်ပွားပြီးနောက် စစ်ရေးပြမှူး ဗိုလ် ချုပ် က လာရောက်စစ်ဆေး ဆဲဆိုဆူပူသွားကြောင်း သိရှိရသည်။
ဓာတ်ပုံ – ယမန်နှစ် စစ်ရေးပြ အခမ်းအနားမြင်ကွင်း။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
