ရန်ကုန်၊ ဧပြီ ၂
မြန်မာနိုင်ငံအလယ်ပိုင်းတွင် ငလျင်လှုပ်ခတ်မှုကြောင့် ပြည်သူအများ လက်ရှိ ပူဆွေးနေရမှုများအတွက် အချင်း ချင်း အားပေးနှစ်သိမ့်ရန် ဧပြီလ ၁၃ ရက်နေ့မှ ဧပြီလ ၂၀ ရက်နေ့အထိ နိုင်ငံလုံးဆိုင်ရာ ပြည်သူ့ဝမ်းနည်းကြေကွဲမှုနှင့် နှစ်သိမ့်အားပေးမှု ရက်သတ္တပတ်အဖြစ် သတ်မှတ်လိုက်ကြောင်း အမျိုးသားညီညွတ်ရေးအစိုးရက ကြေညာချက်ထုတ်ပြန်သည်။
နိုင်ငံလုံးဆိုင်ရာ ပြည်သူ့ဝမ်းနည်းကြေကွဲမှုနှင့် နှစ်သိမ့်အားပေးမှု ရက်သတ္တပတ်ကာလအတွင်း ပြည်တွင်းပြည်ပနေ ပြည်သူများအနေဖြင့် ပြည်သူမှ ပြည်သူသို့ နှစ်သိမ့်အားပေး ခြင်းများကို တစ်ဦးချင်းအနေဖြင့်ဖြစ်စေ၊ အစု အဖွဲ့များအနေဖြင့်ဖြစ်စေ ကုသိုလ်ကောင်းမှု၊ ဆုတောင်းမှု၊ ငလျင်ဒဏ်ခံ ပြည်သူများအား စာနာရိုင်းပင်းကြောင်း ပြသသည့် လုပ်ဆောင်မှု ၃ ချက် ဆောင်ရွက်ကြပါရန် NUG အစိုးရက တိုက်တွန်း နှိုးဆော်သည်။
ပထမအချက်အနေဖြင့် ငလျင်ဒဏ်နှင့် စစ်အာဏာရှင် ညှင်းပန်းခံ ပြည်သူများနှင့် အတူတကွ ရပ်တည်ကြောင်း၊ ဆုံရှုံးမှုများအတွက် စာနာကြောင်းကို ပြသသည့်အနေဖြင့် NUG အစိုးရ၏ နိုင်ငံခြားရေး ဝန်ကြီးဌာန ကိုယ် စားလှယ်ရုံးများ၊ သံတမန်ရုံးများ သို့ သတ်မှတ်ထားသည့် စုစည်းရာနေရာများတွင် ဝမ်းနည်းမှတ်တမ်းများ ရေးထိုးခြင်း၊ ဝမ်းနည်းခြင်း ပန်းပွင့်၊ ပန်းစည်း၊ ပန်းခြင်းများ ပေးပို့ခြင်း၊ မိမိနေထိုင်ရာ တိုင်းပြည်များ၏ ဓလေ့ထုံးစံများနှင့်အညီ ဝေးဆုတောင်းမေတ္တာပို့သမှု လုပ်ဆောင်ရန် ဖြစ်ကြောင်း သိရှိရသည်။
ထို့ပြင် အသက်ဆုံးပါးသွားသည့် ပြည်သူများနှင့် ကျန်ရစ်သူ မိသားစုများအတွက် အောက်မေ့ သတိရ ခွန်အားယူ ဆုတောင်းပွဲများ ပြုလုပ်ခြင်း၊ ရေစက်ချ အမျှဝေခြင်း၊ သက်ဆိုင်ရာ ဘာသာအလိုက် ဆုတောင်းမေတ္တာပို့သ ခြင်း၊ ကုသိုလ်ကောင်းမှု ရည်စူးပြုလုပ်ခြင်း၊ ထိခိုက်ခံစားရသူများအား နားလည်စာနာအားပေးမှုကို နိုင်ငံတွင်းနိုင်ငံပြင်ပတွင် နည်းလမ်းအမျိုးမျိုးဖြင့်ပြုလုပ်ခြင်း အပြင် နောက်ဆုံးအချက်အနေဖြင့် မြန်မာပြည်အရေးကို စိတ်ကောင်းစေတနာကောင်းဖြင့် ကူညီနေသည့် နိုင်ငံတကာရှိ လူပုဂ္ဂိုလ်၊ အဖွဲ့ အစည်း၊ နိုင်ငံတကာအစိုးရများနှင့်အတူ ဝမ်းနည်းကြောင်းပြသမှု၊ နှစ်သိမ့်မှု၊ ဆုတောင်းမှုများကို အတူတကွ လုပ်ဆောင်ကြရန် အမျိုးသားညီညွတ်ရေးအစိုးရက နှိုးဆော်သည်
လက်ရှိ ပြည်သူများ ငလျင်ဘေးဒဏ်သင့်နေသည့် အချိန်တွင်ပင် လေကြောင်းတိုက်ခိုက်မှုများကို နေ့စဉ် ရက် ဆက် လူသားမဆန်စွာလုပ်ဆောင်နေသည့် အကြမ်းဖက်စစ်ကောင်စီ၏ လုပ်ရပ်များနှင့် အကြမ်းဖက်စစ်ကောင်စီ ၏ ညံ့ဖျင်းသော စီမံမှုကြောင့် ကိုဗစ် တတိယလှိုင်းတွင် ထောင်နှင့်ချီသော ပြည်သူ ပြည်သားများ အသက်ဆုံးပါးခဲ့ရကြောင်း၊ မုန်တိုင်း၊ ရေကြီးမှုများတွင်လည်း မဆုံးရှုံးသင့်သော အသက်ပေါင်းများစွာ ဆုံးရှုံး ခဲ့ကြရမှုများအတွက်မှု NUG အစိုးရအနေနှင့် မေ့ပျောက်မည်မဟုတ်ဘဲ ဖြစ်ရပ်များအတွက် တရားမျှတမှု ပြန်လည်ရရှိရေးအတွက်လည်း အစွမ်းကုန် ကြိုးပမ်း ဆောင်ရွက်သွားမည် ဖြစ်ကြောင်း NUG က ဆိုသည်။
အမျိုးသားညီညွတ်ရေးအစိုးရ၏ စိုးမိုးနယ်မြေများတွင် ငလျင်ဘေးဒဏ်သင့်လူထုကို ၇၂ နာရီအတွင်း ကူညီကယ်ဆယ်မှုများ အပြည့်အဝအားစိုက်လုပ်နိုင်ခဲ့သော်လည်း အကြမ်းဖက်စစ်ကောင်စီ စိုးမိုးဒေသများတွင် ကိုယ်ထိလက်ရောက် ဝင်ရောက်မကူညီနိုင်ခဲ့မှုအပေါ် အမျိုးသားညီညွတ်ရေးအစိုးရအနေနှင့် များစွာ ဝမ်းနည်းစိတ် မကောင်းဖြစ်ရကြောင်း၊ NUG က ငလျင်ဘေးသင့် ပြည်သူလူထုကို လေးနက်စွာ တောင်းပန်ထားသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
