ဒီကနေ့ နိုဝင်ဘာ ၄ ရက် ညနေပိုင်း တင်ဆက်ပေးမယ့် သတင်းတွေကတော့
TNLA ဆုတ်ခွာမယ့် မြို့တွေကို PLA တပ်တွေ အပါအဝင် တော်လှန်ရေးတပ်ပေါင်းစုက အစွမ်းကုန်ကာကွယ်သွားဖို့ ပြင်ဆင်ထားတယ်လို့ PLA ပြန်ကြားရေး တာဝန်ရှိသူက ရန်ကုန်ခေတ် သစ်ကို ပြောပါတယ်။
ကရင်ပြည်နယ် ၊ ဘားအံမြို့မှာ ကြံ့ဖွတ်ပါတီ ကိုယ်စားလှယ်လောင်းရဲ့ မဲဆွယ်ဆိုင်းဘုတ် ဆုတ်ဖြဲမှုနဲ့ အသက် ၁၅ နှစ်အရွယ် လူငယ်အပါအဝင် ဒလမြို့ နယ်မှာ ကော်မရှင်အဖွဲ့ကို လက်သီးနဲ့ ထိုးသူအပြင် နိုင်ငံတစ်ဝန်းမှာ ရွေးကောက်ပွဲနှောင့် ယှက်တယ်ဆိုပြီး ပြည်သူ ၇ ဦးကို စစ်တပ်က ဖမ်းဆီး အမှုဖွင့်ထားပြန်တယ်လို့ စစ်တပ်ကိုယ်တိုင်ကပဲ သတင်းထုတ်ပြန်ထားပြန်ပါတယ်။
မကွေးတိုင်း က ပခုက္ကူလေယာဉ်ကွင်းအနီး ဆက်ကြေးကောက်နေတဲ့ အကြမ်းဖက် စစ်တပ် လက်အောက်ခံ ရဲတပ်သားကို တော်လှန်ရေးတပ်တွေက စစ်သား အသွင်ယူတိုက်ခိုက်မှုအတွင်း ရဲတပ်သား ရည်မွန် ဆိုသူကတော့ နေရာမှာတင် ပွဲချင်းပြီးကို သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
