စစ်ကောင်စီ၏ လေတပ်တွင် လေယာဉ်ပစ်လက်နက်၊ ဗုံးများ အဓိက ပြင်ဆင် ပေးရသူ စစ်ရာဇဝတ်မှုများ၏ အဓိက တရားခံ ဒုဗိုလ်မှူးကြီး ကျော်ကျော်ဦး ရုတ်တရက်သေဆုံး
ရန်ကုန်၊ ဩဂုတ် ၁၂
နေပြည်တော်တွင် အကြမ်းဖက်စစ်ကောင်စီ၏ လေတပ်အတွက် လေယာဉ်ပစ် လက် နက်များ အဓိက ပြင်ဆင်ပေးရသူ ဒုတိယဗိုလ်မှူးကြီးကျော်ကျော်ဦး သည် ဩဂုတ်လ ၈ ရက်နေ့ ညပိုင်းတွင် ရုတ်တရက်သေဆုံးသွားခဲ့ကြောင်း နေပြည် တော်စစ်တပ်သတင်းရင်းမြစ်များထံမှ သိရှိရသည်။
နေပြည်တော်လေတပ်မှ ဒုတိယဗိုလ်မှူးကြီးကျော်ကျော်ဦး ကကလေ- စစ်ဦး စီး၊ ပထမတန်း (လက်နက်) သည် ဩဂုတ်လ ၈ ရက်နေ့ ညပိုင်းတွင် ရုတ်တ ရက် အမောဖောက်ပြီး သေဆုံးခဲ့ကြောင်း သိရှိရသည်။
“ကကလေ က စစ်ဦးစီးမှူးပထမတန်း(လက်နက်) ဒုတိယ ဗိုလ်မှူးကြီး ကျော်ကျော်ဦး လေယာဥ်လက်နက်တွေ အဓိက ပြင်ဆင် ပေးတဲ့ သူ အင်ဂျင် နီယာပေါ့။ ရုတ်တရက်ဆုံးတာ။ ည ၁၀ နာရီလောက် ဆေးရုံအရောက်ပို့တာ။ ဆေးရုံလည်းရောက် သေလည်းသေတယ်။ နှလုံးရောဂါ ထင်တယ်။ဩဂုတ်လ ၁၀ ရက်နေ့မှာ သဂြိုလ်ခဲ့ပါတယ်” ဟု နေပြည်တော်စစ်သတင်းရင်းမြစ်က ပြောသည်။
ဒုတိယဗိုလ်မှူးကြီး ကျော်ကျော်ဦးသည် ဗိုလ်လောင်း သင်တန်းအမှတ် ၈၅ မှ ဖြစ်ပြီး သေဆုံးချိန်တွင် အသက် ၅၆ နှစ်ရှိနေပြီဖြစ်ကြောင်း၊ Operation Spitfire က ထုတ်ပြန်ထားသည့် လေတပ်မှ စစ်ရာဇဝတ်မှုကျူးလွန်သော အရာရှိ များတွင် တစ်ဦး အပါအဝင် ဖြစ်ကြောင်း သိရှိရသည်
