မြိုင်မြို့နယ်၊ ကန်နီပျူရွာနှင့် စစ်တပ်စစ်ကြောင်းကို မိုင်းဆွဲတိုက်ခိုက်မှု ပျူစောထီး ၁ ဦးသေဆုံး၊ ပေါက်မြို့နယ်တွင်လည်း စစ်ယာဉ်တန်းကို တိုက်ခိုက်

မြိုင်မြို့နယ်၊ ကန်နီပျူရွာနှင့် စစ်တပ်စစ်ကြောင်းကို မိုင်းဆွဲတိုက်ခိုက်မှု ပျူစောထီး ၁ ဦးသေဆုံး၊ ပေါက်မြို့နယ်တွင်လည်း စစ်ယာဉ်တန်းကို တိုက်ခိုက်

ရန်ကုန်၊ ဩဂုတ် ၂၂

မကွေးတိုင်း၊ မြိုင်မြို့နယ်၊ ကန်နီ(ပျူစောထီး)ရွာကို ဗုံးသီး အလုံး ၈၀ ကျော်နှင့် ရော့ကတ် ၂၂ လုံးပစ်ခတ်တိုက် ခိုက်ခဲ့ရာ ပျူစောထီး ၁ ဦးသေဆုံးကြောင်း မြိုင်ပကဖမှ တာဝန်ရှိသူတစ်ဦးက ရန်ကုန်ခေတ်သစ်သတင်း ဌာန ထံသို့ပြောကြားသည်။

ဩဂုတ်လ ၁၉ ရက် မွန်းလွဲ ၃ နာရီမှ ည ၁၁ နာရီအထိ ကန်နီ(ပျူစောထီး)ရွာကို မောင်း သူမဲ့ လေယာဉ်ဖြင့် ဗုံးအလုံး ၈၀ ကျဲချတိုက်ခိုက်သည့်အပြင် ရော့ကတ်ဖြင့် ၂၂ လုံးပစ်ခတ် တိုက်ခိုက် ခဲ့ကြောင်း၊ တိုက်ခိုက်မှုကြောင့် ပျူစောထီး ၁ ဦးသေဆုံးပြီး အများအပြား ဒဏ်ရာ ရရှိနိုင်ကြောင်း သိရသည်။

ထို့ပြင် ဩဂုတ်လ ၂၀ ရက်နေ့ မြိုင်မြို့နယ်၊ ရွှေဆွဲလွဲကျေးရွာနှင့် လက်ထုပ်တော ကျေးရွာအကြားသို့ စစ်ကြောင်းထိုးလာ သောအကြမ်းဖက်စစ်သားများကို မောင်းသူမဲ့လေယာဉ်ငယ်ဖြင့် ဗုံးသီး ၅ လုံး၊ ရော့ကတ်ဖြင့် ဗုံးသီး ၁၉ လုံးပစ်ခတ်တိုက်ခိုက်ခဲ့ရာ အကြမ်းဖက်စစ်သားများ အထိနာပြီး ကျေးရွာကို မီးတင်ရှို့သွားခဲ့ကြောင်း သိရှိရသည်။

အလားတူ ဩဂုတ်လ ၂၁ ရက်နေ့တွင် မကွေးုတိင်း၊ ကျောက်ထုမှ ထွက်လာသော အကြမ်းဖက်စစ်ယာဉ်တန်းကို ပေါက်မြို့နှင့် ပခုက္ကူမြို့နယ် ကမ္မမြို့အကြားတွင် ပဒေသာမိုင်းဖြင့် ဖောက်ခွဲတိုက်ခိုက်ခဲ့ရာ ထိခိုက်သေဆုံးပျက်စီးမှုအခြေအနေကို စုံစမ်း နေဆဲဖြစ်ကြောင်း သိရသည်။

ထို့အတူ ဩဂုတ်လ ၂၁ ရက်နေ့ မွန်းလွဲ ၃ နာရီခန့်တွင် ကန်နီ(ပျူ)ရွာ နှင့် မြိုင်မြို့အကြား၌ အကြမ်း ဖက် စစ်တပ် စစ်ကြောင်းကို ဗိုလ်လင်းမြွေအဖွဲဦးဆောင်ပြီး မြိုင်မြိုနယ် ပြည်သူ့ကာကွယ်ရေး တပ်ဖွဲက မိုင်း ပွိုင့် ၄ ပွိင့် ဆွဲပြီး တိုက်ခိုက်ခဲ့ရာ အကြမ်းဖက်စစ်သား ၂ ဦးအပြင်းအထန်ဒဏ်ရာရှိခဲ့ကြောင်း မြိုင် ပကဖ ထံမှ သိရသည်။

အဆိုပါတိုက်ခိုက်မှုများကို ကမ္မကာကွယ်ရေးအဖွဲ (KMDF) ၊ မြိုင် ပကဖ တပ်ရင်း ၁ – တပ်ခွဲ ၁ ၊ တပ်ခွဲ- ၂- ဂဠုန် ၊ People’s Defense Force – Kamma၊ နဂါးနီပြည်သူ့ကာကွယ်ရေးအဖွဲ ၊ နယ်စည်းမခြား ကာ ကွယ် ရေးအဖွဲများ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။

ထို့ပြင် ဩဂုတ်လ ၂၀ ရက်နေ့ မကွေးတိုင်း၊ ပေါက်မြို့နယ်၊ ရေပြာရွာဘက်မှ ပခုက္ကူမြို့နယ်၊ ကမ္မဘက်သို့ ထွက်လာသော စစ်တပ်ရှေ့ပြေး စစ်ကြောင်းယာဉ်တန်းတစ်ခုကို ဇာမဏီပြောက် ကျားတပ်ဖွဲ့နှင့်မဟာမိတ်များက မိုင်းဆွဲတိုက်ခိုက်ခဲ့ကြောင်း၊ အကြမ် းဖက် စစ်သားများ ထိခိုက်သေဆုံးမှုရှိနိုင်ကြောင်း၊ ယင်းယာဉ်တန်းကို ထပ်မံမိုင်းဆွဲတိုက်ခိုက်ရန် ကြိုးစားခဲ့ သော် လည်း မိုးရွာနေခြင်း၊ ကားပေါ်မှ စစ်သားများက ရမ်းသမ်းပစ်ခတ်နေခြင်းတို့ကြောင့် မတိုက် ခိုက် တော့ဘဲ ပြန်လည် ဆုတ်ခွာခဲ့ရ ကြောင်း ဇာမဏီပြောက်ကျားတပ်ဖွဲ့က ထုတ်ပြန်ထားသည်။

ဓာတ်ပုံ- ဇာမဏီပြောက်ကျားတပ်ဖွဲ့ဝင်တချို့။