ဘီးလင်းမြို့နယ်ရှိ KNU တပ်မဟာ ၁ ဌာနချုပ်ရုံးဟောင်းနှင့် ဗျူဟာရုံး တို့ကို စစ်တပ်က လေကြောင်းဖြင့် ဗုံးကျဲတိုက်ခိုက်
ရန်ကုန်၊ စက်တင်ဘာ ၂၂
မွန်ပြည်နယ်၊ ဘီးလင်းမြို့နယ်ရှိ KNU တပ်မဟာ ၁ ဌာနချုပ်ရုံးဟောင်းနှင့် ဗျူဟာရုံး တို့ကို အကြမ်းဖက် စစ်တပ်က လေကြောင်းဖြင့် ဗုံးကျဲ တိုက်ခိုက်ခဲ့ကြောင်း KNU သတင်းရင်းမြစ်ထံမှ သိရသည်။
ယနေ့ စက်တင်ဘာလ ၂၂ ရက်နေ့ မွန်းလွဲ ၁၂ နာရီခန့်တွင် ကရင်အမျိုးသား အစည်းအရုံး (KNU) တပ်မဟာ ၁ ဌာနချုပ် ရုံးဟောင်းနှင့် ဗျူဟာရုံးကို အကြမ်းဖက် စစ်တပ်က လေကြောင်းဖြင့် ဗုံးကျဲတိုက်ခိုက်ခဲ့ပြီး အဆောက်အအုံများ ထိခိုက်ပျက်စီးခဲ့ကြောင်း သိရှိရသည်။
အကြမ်းဖက် စစ်တပ်က လာရောက် ဗုံးကျဲတိုက်ခိုက်ခဲ့သည့် နေရာများမှာ လူမနေတော့သည့် နေရာများဖြစ်၍ အဆောက်အအုံများ ပျက်စီးသော်လည်း လူအထိအခိုက် မရှိခဲ့ကြောင်း သိရသည်။
ထို့ပြင် အကြမ်းဖက် စစ်တပ်က နိုဝင်ဘာလ ၂၆ ရက်နေ့ကလည်း KNU တပ်မဟာ ၁ ဌာနချုပ်ရုံးကို ဗုံးကျဲတိုက်ခိုက်ခဲ့ပြီး အဆိုပါ တိုက်ခိုက်မှုတွင်လည်း လူထိခိုက်မှု မရှိခဲ့ကြောင်း သိရှိရသည်။
