ဆားလင်းကြီးမြို့ပေါ် ရဲစခန်းနှင့် မြို့တော်ခန်းမကို ဒရုန်းဖြင့် ဗုံးကျဲ တိုက်ခိုက်၊ မတ္တရာမြို့နယ်တွင်လည်း စစ်ကြောင်းနှင့် ပျူရွာကို ဒရုန်းဖြင့် ဗုံးကျဲ တိုက်ခိုက်
ရန်ကုန်၊ ဒီဇင်ဘာ ၃၁
စစ်ကိုင်းတိုင်း၊ ဆားလင်းကြီးမြို့ပေါ် ရဲစခန်းနှင့် မြို့တော်ခန်းမတို့ကို ဒရုန်းဖြင့် ဗုံးကျဲ တိုက်ခိုက်ခဲ့ကြောင်း ဒေါင်းတမန် လေကြောင်း စစ်ဆင်ရေးအဖွဲ့ထံမှ သိရသည်။
ဒီဇင်ဘာလ ၃၀ ရက်နေ့ ညနေ ၄ နာရီခန့်တွင် ဆားလင်းကြီးမြို့၊ မြို့မရဲစခန်းနှင့် အကြမ်းဖက် စစ်ကောင်စီ တပ်သားများ တပ်စွဲထားသော မြို့တော်ခန်းမကို တော်လှန်ရေး တပ်ဖွဲ့များက ဒရုန်းဖြင့် ဗုံးသီး ၉ လုံးကျဲချ တိုက်ခိုက်နိုင်ခဲ့ကြောင်း သိရှိရသည်။
တိုက်ခိုက်မှုအတွင်း အကြမ်းဖက် စစ်တပ် ဘက်မှလည်း လက်နက်ငယ်များဖြင့် ရမ်းသမ်း ပစ်ခတ်ခဲ့ပြီး ပူးပေါင်းတပ်ဖွဲ့၀င်များ အန္တရာယ်ကင်းစွာ ပြန်လည် ဆုတ်ခွာနိုင်ခဲ့ကြောင်း သိရသည်။
အဆိုပါ တိုက်ခိုက်မှုကို Shar Htoo Waw နည်းပညာတပ်ဖွဲ့၏ Team (3) PDAF ၊ Shar Htoo Waw နည်းပညာတပ်ဖွဲ့၏ Team(4)SSTF ၊ မုံရွာခရိုင်တပ်ရင်း(၂၄)ခွဲ(၃)
တိမ်တမာန်လေကြောင်းစစ်ဆင်ရေး၊ ဆားလင်းကြီးမြို့နယ်၊ပကဖ ၊ ကျောက်လုံးကြီး KLG တပ်မဟာ ၊ Seven People Defense Force-Mandalay ၊ Union Brothers-UB (ပြည်သူ့အကျိုးဆောင်အဖွဲ့) ၊ ဒေါနစစ်ကြောင်း၏ ဖိုးမောင်ပြန်လာပြီ ဇာတ်ကားထောက်ပို့အဖွဲ့ ၊ Support To Federal Democracy ၊ CONNECT နှင့် ဒေသ ပကဖအဖွဲ့များနှင့်တပ်ရင်း၊ တပ်ဖွဲ့များ ပူးပေါင်း လုပ်ဆောင်ခဲ့ကြောင်း သိရှိရသည်။
အလားတူ မန္တလေးတိုင်း၊ မတ္တရာမြို့နယ်၊ ဆောက်ခြုံပေါက်ကျေးရွာအတွင်းသို့ ဝင်ရောက်လာသော စစ်တပ် စစ်ကြောင်းနှင့် ပျူရွာကို ဒရုန်းဖြင့် ဗုံးကျဲတိုက်ခိုက်ခဲ့ကြောင်း ပြည်သူ့ကာကွယ်ရေး မြို့ပြပြောက် ကျား တပ်ဖွဲ့ (မန္တလေး) Generation Z Power တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ် သတင်း ဌာနထံ သို့ ပြောကြားသည်။
ဒီဇင်ဘာလ ၂၇ ရက် နံနက် ၁၀ နာရီ မိနစ် ၅၀ ခန့်က မတ္တရာမြို့နယ်၊ ဆောက်ခြုံပေါက်ကျေးရွာကို စစ်ကြောင်း ၃ ကြောင်းဖြင့် ထိုးလာသော အကြမ်းဖက်စစ်ကောင်စီတပ်သားများကို လည်းကောင်း၊ ထို့ အပြင် မွန်းတည့် ၁၂ နာရီ မိနစ် ၅၀ ခန့်တွင် ညောင်ကုန်း ပျူရွာကိုလည်းကောင်း ဒရုန်းဖြင့် ဗုံးသီး ၄ လုံးကျဲတိုက်ခိုက်ခဲ့ရာ အကြမ်းဖက်စစ်ကောင်စီကောင်စီတပ်သား၊ ပျူစောထီးအများအပြား ထိ ခိုက်ဒဏ်ရာရရှိခဲ့ကြောင်း သိရသည်။
“စစ်ကြောင်းဆိုတော့ အတိအကျ မသိရဘူးဗျ၊ ဒဏ်ရာရတယ်လို့ပဲ သိရတယ်” ဟု ပြည်သူ့ ကာကွယ် ရေး မြို့ပြပြောက်ကျား တပ်ဖွဲ့ (မန္တလေး) Generation Z Power တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံ သို့ ပြောကြားသည်။
အဆိုပါ တိုက်ခိုက်မှုကို ပြည်သူ့ကာကွယ်ရေး မြို့ပြပြောက်ကျား တပ်ဖွဲ့ (မန္တလေး) Generation Z Power တပ်ဖွဲ့၊ ပုသိမ် ကြီး ပကဖ ၊ မတ္တရာ ပကဖ၊ BRA ၊ Shar Htoo Waw နည်းပညာ ဒရုန်းအဖွဲ့တို့ ပူးပေါင်း တိုက်ခိုက်ခဲ့ ခြင်းဖြစ်ကြောင်း သိရသည်။
