ရန်ကုန်၊ ဇူလိုင် ၃၁
အကြမ်းဖက် စစ်ခေါင်းဆောင် မင်းအောင်လှိုင်က ယာယီသမ္မတ၊ ကာကွယ် ရေးဦးစီးချုပ်၊ ဝန်ကြီးချုပ် သုံးမည်ရ ရာထူး ၃ ခု ဖြင့် ယနေ့ အမျိုးသားကာကွယ် ရေးနှင့်လုံခြုံရေးကောင်စီ(ကာ/လုံ) အစည်းအဝေး ခေါ်ယူပြီး အရေးပေါ် ၆ လ သက်တမ်းတိုးဦးမည်ဖြစ်သည်။
ဇူလိုင်လ ၂၂ ရက်နေ့ အကြမ်းဖက် မင်းအောင်လှိုင်က ယာယီသမ္မတ မြင့်ဆွေသည် လက်ရှိ ကျန်းမာရေးအခြေအနေအရ ဆေးကုသမှု ခံယူနေရ၍ ယာယီသမ္မတ ရာထူးနှင့်တာဝန်များကို လွှဲပြောင်းရယူလိုက်ကြောင်း ကြေညာပြီးနောက် ယခုအခါ ယာယီသမ္မတရာထူးဖြင့် ကာ/လုံအစည်းအဝေးကို ခေါ်ယူ၍ ၆ လ သက်တမ်းတိုးရန် ရှိနေကြောင်း သိရှိရသည်။
အကြမ်းဖက်စစ်ကောင်စီပြောခွင့်ရ ဇော်မင်းထွန်းက အကြမ်းဖက်စစ်ခေါင်း ဆောင် မင်းအောင်လှိုင်တွင် အခြေခံဥပဒေ ဥပဒေ ပုဒ်မ ၄၁၉ အရ အာဏာ ၃ ရပ်လုံးရှိနေကြောင်း၊ ထို့ကြောင့် ကာ/လုံခေါ်ယူချိန်တွင် မင်းအောင်လှိုင်အနေ ဖြင့် ယာယီသမ္မတအနေဖြင့် ဆောင်ရွက်သွားမည်ဖြစ်ကြောင်း ထုတ်ဖော်ပြောဆိုခဲ့သည်။
အဖွဲ့ဝင် ၁၁ ဦးရှိသော ကာ/လုံတွင် မင်းအောင်လှိုင်က ယာယီသမ္မတ၊ စစ်တပ် ကာကွယ် ရေးဦးစီးချုပ်၊ နိုင်ငံတော်ဝန်ကြီးချုပ် သုံးမည်ရ ရာထူးများဖြင့် ပထမဆုံးအကြိမ် ကာ/လုံအစည်းအဝေး ဦးစီးခေါ်ယူကျင်းပမည်ဖြစ်သည်။
အကြမ်းဖက် မင်းအောင်လှိုင်သည် ၂၀၂၁ ခုနှစ် ဖေဖော်ဝါရီလ ၁ ရက်နေ့ စစ် တပ်ရေးဆွဲထားသော ၂၀၀၈ ဖွဲ့စည်းပုံ အခြေခံဥပဒေနှင့်ညီညွတ်ခြင်းမရှိဘဲ လူထု ရွေးကောက်တင်မြှောက်ထားသည့် အစိုးရ ခေါင်းဆောင်များကို ဖမ်းဆီးပြီး စစ်အာဏာ သိမ်းပြီးနောက် ၆ ပြည့်တိုင်း အရေးပေါ် သက်တမ်းတိုးလာခဲ့ခြင်းဖြစ်သည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
