ရန်ကုန်၊ အောက်တိုဘာ ၁၁
၂၀၂၄ ခုနှစ် အောက်တိုဘာလဆန်းပိုင်း အင်ဒိုနီးရှားနိုင်ငံ၊ ဂျကာတာတွင် မြန်မာနိုင်ငံဆိုင်ရာ အာဆီယံအထူးသံတမန်က ဦးဆောင်ကျင်းပခဲ့သော မြန်မာ့အရေး အစည်းအဝေးကို အာဆီယံခေါင်း ဆောင် များက အသိအမှတ်ပြုခဲ့ပြီး ထိုင်းနိုင်ငံတွင် လာမည့်ဒီဇင်ဘာလတွင် မြန်မာ့အရေး အလွတ် သဘော အစည်းအဝေး ထပ်မံကျင်းပမည်ဖြစ်ကြောင်း၊ အာဆီယံနိုင်ငံများ ပိုမိုပါဝင်မည်ဟု မျှော် လင့်ကြောင်း အာဆီယံခေါင်းဆောင်များက အောက်တိုဘာလ ၉ ရက်နေ့ ထုတ်ပြန်ထားသည်။
မြန်မာ့နိုင်ငံရေးအကျပ်အတည်းကို အာဆီယံဘုံသဘောတူညီချက် ၅ ရပ်နှင့်အညီ ငြိမ်းချမ်းစွာ ဖြေရှင်းရန် အာဆီယံခေါင်းဆောင်များက ဆုံး ဖြတ်သဘောတူထားကြောင်း သိရှိရသည်။
လာအိုနိုင်ငံ၊ ဗီယင်ကျန်းမြို့တွင် ကျင်းပသော ထိပ်သီးအစည်းအဝေးတါင် အာဆီယံခေါင်းဆောင်များက ဘုံသဘောတူညီချက် ၅ ရပ်ကို မြန်မာနိုင်ငံ၏ နိုင်ငံရေးအကျပ်အတည်းကို ဖြေရှင်းရန်အတွက် အဓိကရည်ညွှန်းချက်အဖြစ် ဆက်လက်ထားရှိသွားရန် သဘောတူညီချက်ခဲ့ကြောင်း၊ အာဆီယံဘုံသဘောတူညီချက် ၅ ချက် အကောင်အထည်ဖော်ရေးကိုလည်း ပြန်လည်သုံးသပ်ခဲ့ကြကြောင်း၊ မြန်မာ့အရေးကို ဖြေရှင်းရာတွင် အားလုံးပါဝင်ပြီး တာရှည်ခံ ငြိမ်းချမ်းသော ဆုံးဖြတ်ချက်တစ်ခု ရရှိစေရန် မြန်မာ ပြည်သူပြည်သား တစ်ရပ်လုံး၏ သဘောတူညီမှုချက်ဖြင့် အပြည့်အဝ အကောင်အထည်ဖော် ဆောင်ရွက်သင့်သည်ဟု အာဆီယံ ခေါင်းဆောင်များက တိုက်တွန်းသည်။
မြန်မာစစ်တပ်က စစ်အာဏာသိမ်းပြီး ၂ လအကြာ ၂၀၂၁ ခုနှစ် ဧပြီလတွင် အာဆီယံခေါင်းဆောင်များ၏ သဘောတူညီမှုငါးရပ်ကို အတည်ပြုခဲ့ပြီး အကြမ်းဖက်မှုများ ရပ်စဲရေး၊အားလုံးပါဝင်သော နိုင်ငံရေးဆွေးဆွေးနွေးရန် အကြိမ်ကြိမ် စစ်ကောင်စီကို တိုက်တွန်းခဲ့သော်လည်း ၄ နှစ်ကျော်ကြာသည်အထိ မည်သည့်တိုးတက်မှုမှ မရှိခဲ့ပေ။
မြန်မာနိုင်ငံသည် အာဆီယံ၏ အဓိကအစိတ်အပိုင်းအဖြစ် ဆက်လက်တည်ရှိနေသောကြောင့် လက်ရှိဖြစ်ပေါ်နေသော အကျပ်အတည်းအတွက် ငြိမ်းချမ်းပြီး တာရှည်ခံသော အဖြေကို ရှာဖွေရာတွင် မြန်မာနိုင်ငံကို ကူညီပေးရန် အာဆီယံ၏ ကတိကဝတ်ကို ထပ်မံကတိပြုခဲ့ကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
