ရန်ကုန်၊ နိုဝင်ဘာ ၂၁
မန္တလေးတိုင်း ၊ မြင်းခြံမြို့နယ်တောင်ဘက် ၅ မိုင်ခန့်အကွာနေရာ၌ ၇ ကြာတိုက်ပွဲပြင်းထန်ခဲ့ပြီး အကြမ်းဖက်စစ်တပ်မှ ဗိုလ် ၁ ဦးအပါအဝင် စစ်သား ၃၆ ဦးသေဆုံးခဲ့ကြောင်း Myingyan Black Tiger – MBT တပ်ဖွဲ့ခေါင်းဆောင် ဗိုလ်မိုက်ခဲက ရန်ကုန်ခေတ်သစ်သတင်းဌာနထံသို့ ပြောကြား သည်။
နိုဝင်ဘာလ ၁၁ ရက်နေ့မှစ၍ မြင်းခြံမြို့ တောင်ဘက် ၅ မိုင်ခန့်အကွာ၌ရှိသော Myingyan Black Tiger (MBT) တပ်ဖွဲ့၏ စစ်ကြောင်း ၃ စစ်ရေးလှုပ်ရှားရာ နယ်မြေအတွင်းသို့ အကြမ်းဖက်စစ်တပ်က ထိုးစစ်ဆင်တိုက်ခိုက်ခဲ့ကြောင်း၊ တိုက်ပွဲမှာ ၃ ရက်တာကြာမြင့်ခဲ့ပြီး ခဲယမ်းပြတ်တောက်မှုကြောင့် ပထမ ခံစစ် စည်းဖြစ်သည့် ကွမ်းစိုက်ကျေးရွာမှ ဆုတ်ခွာပေးခဲ့ရကြောင်း သိရသည်။
နိုဝင်ဘာလ ၁၅ ရက် ည ၈ နာရီခွဲအချိန်မှစ၍ အကြမ်းဖက်စစ်တပ်မှ Mi-35 ရဟတ်ယာဉ်ဖြင့် ၃ ကြိမ် နှင့် Jet Fighter ဖြင့် ၂ ကြိမ် ပြုလုပ်ခဲ့ပြီး မြင်းခြံမြိုရှိ ခမရ ၁၅ မှ လည်း ဟောင်ဝှစ်ဇာ ၅ လုံးဖြင့် ပစ်ကူပေးကာ ခြေလျင်စစ်ကြောင်းဖြင့် ထပ်မံ၍ ထိုးစစ်ဆင်တိုက် ခိုက်ခဲ့ရာ နိုဝင်ဘာလ ၁၈ ရက်နေ့ အထိ တိုက်ပွဲပြင်းထန်ခဲ့ကြောင်း၊ ယင်းတိုက်ပွဲ အတွင်း MBT တပ်ဖွဲ့မှ ရဲဘော်များအနေဖြင့် အကြမ်း ဖက်စစ်တပ်၏ ကြည်းကြောင်း၊ လေကြောင်းတိုက်ခိုက်မှုကို ခုခံတိုက်ခိုက်နိုင်ခဲ့သော်လည်း ခဲယမ်း ပြတ်တောက်သွားမှုကြောင့် ဒုတိယခံစစ်စည်းဖြစ်သည့် ခြေ ဆေး ကျေးရွာမှ ဆုတ်ခွာပေးခဲ့ရကြောင်း သိရသည်။
“လက်ရှိအနေအထားကတော့ ခေါင်းတည်နေတုန်းပဲရှိသေးတယ်။ သူတို့ဘက်က စစ်ကြောင်းထိုးလာ တယ်၊ ကျနာ်တို့ဘက်က ပထမခံစစ်၊ ဒုတိယခံစစ်ကနေ ဆုတ်ခွာပေးထားတယ်ဆိုပေမယ့် ထပ်ပြီး တော့ ကာထားတယ်၊ ထပ်ပြီးတော့ ရင်ဆိုင်နေတယ်။ ပြောက်ကျားတိုက်ပွဲတော့ဖြစ်တာရှိတယ်။ ဒါ ပေမယ့်တိုက်ပွဲပြင်းထန်တာမျိုးတော့ မရှိသေးပါဘူး” ဟု Myingyan Black Tiger – MBT တပ်ဖွဲ့ ခေါင်းဆောင် ဗိုလ်မိုက်ခဲက ရန်ကုန်ခေတ်သစ်သတင်းဌာနထံသို့ ပြောကြား သည်။
ယင်းတိုက်ပွဲ ကာလ ၇ ရက်အတွင်းအကြမ်းဖက်စစ်တပ်မှ ၂ ပွင့်ဗိုလ်အပါအဝင် အကြမ်းဖက်စစ်သား ၃၆ ဦးသေဆုံးခဲ့ပြီး ၄၃ ဦး ထိခိုက်ဒဏ်ရာရရှိခဲ့ကာ MBT တပ်ဖွဲ့မှ ရဲဘော် ၁ ဦး ထိခိုက်ဒဏ်ရာရရှိခဲ့ ကြောင်း၊ ယခုအချိန်ထိလည်း အကြမ်းဖက်စစ်တပ် စစ်ကြောင်းနှင့် မျက်နှာချင်းဆိုင်ထားပြီး တိုက်ပွဲ များဆက်လက်ဖြစ်ပွားနိုင်ကြောင်း သိရသည်။
အဆိုပါ တိုက်ခိုက်မှုများကို Myingyan Black Tiger (MBT)မြင်းခြံခရိုင်အမှတ် ၉ တပ်ရင်း Popa Guerilla Force (PGF) ၊ မြင်းခြံခရိုင် တပ်ရင်း (၁ ၊၂ ၊ ၃ ၊၄၊၇ ၊၈) ၊ မြင်းခြံခရိုင် ပကဖ၊ နွားထိုး ကြီး မြိုနယ် ပကဖ၊ အမှတ် ၈၁၅ ပြည်သူ့လွတ်မြောက်ရေးတပ်မတော် (PLA)၊ မြင်းခြံခရိုင် ဒရုန်းတပ်ဖွဲ့၊စွန်ရဲပြောက်ကျားတပ်ဖွဲ့၊ SPY ပြောက်ကျားတပ်ဖွဲ့နှင့် နှလုံးလှ လူမိုက်တပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
“ပြည်သူတွေအနေနဲ့ဖမ်းဆီးခံရတယ်၊ နှိပ်စက်ခံရတယ်၊ သတ်ဖြတ်ခံရတယ်။ အနှစ်နှစ်အလလက စုထားတဲ့ ပြည်သူ့အိုးအိမ်တွေကို စကစတပ်က မီးရှို့တယ်၊ ဒီလိုအခက်အခဲတွေ ဒုက္ခတွေခံနေရတယ် ဆိုတာ ကျနော်တို့လည်း နားလည်ပါတယ်။ ရောင်နီတစ်ခုရောက်ဖို့အတွက် မုန်တိုင်းတစ်ခုက ကျော် ဖြတ်ရစမြဲပါပဲ၊ အခုကြုံနေရတဲ့အခက်အခဲတွေကို မျိုသိပ်ပြီးတော်လှန်ရေးခရီးရှေ့ကိုရောက်ဖို့ အတွက်၊ ဘယ်လောက်ပဲအခက်အခဲရှိရှိ ဒီတော်လှန်ရေးမှာ နိုင်တဲ့ဘက်ကနေ ဝန်းရံပါဝင်ပေးကြဖို့ ၊ ကူညီပေးကြဖို့ မေတ္တာရပ်ခံချင်ပါတယ်” ဟု Myingyan Black Tiger – MBT တပ်ဖွဲ့ ခေါင်းဆောင် ဗိုလ်မိုက်ခဲက ပြောဆိုသည်။
ယမန်နေ့ နိုဝင်ဘာလ ၂၀ ရက် ည ၇ နာရီခန့်ကလည်း မြင်းခြံမြို့ပေါ်ရှိ အကြမ်းဖက်စစ်သားများ အဓိက အခြေချတပ်စွဲရာ ကျောက်ရုံးကြီး (ထွေအုပ်ရုံး)နှင့် အကြမ်းဖက်တပ်သားများ နားနေရာ Myingyan Hotel တို့ကို Myingyan Black Tiger (MBT)တပ်ဖွဲ့က အနီးကပ်မိုင်းထောင်၍ ဖောက်ခွဲ တိုက်ခိုက်ခဲ့ပြီး အကြမ်းဖက်စစ်သား ထိခိုက်သေဆုံးမှုကို စုံစမ်းနေဆဲဖြစ်ကြောင်း သိရသည်။
ထိုသို့ တိုက်ခိုက်မှုသည် မြင်းခြံမြို့နယ်ရှိ အများပြည်သူတို့၏ အိုးအိမ်၊စည်းစိမ်တို့ကို အကြမ်းဖက် စစ် တပ်က ခိုးယူခြင်း၊ မီးရှို့ဖျက်ဆီးနေခြင်းတို့အား လက်တုံ့ပြန် သည့်အနေဖြင့် တိုက်ခိုက်ခဲ့ခြင်းဖြစ်ပြီး MBTတပ်ဖွဲ့အနေဖြင့် မြို့တွင်းစစ်ရေးမစ်ရှင်များ ဆက်လက်လုပ်ဆောင်သွားမည်ဖြစ်သောကြောင့် ပြည်သူများအနေဖြင့် စစ်တပ်တပ်စခန်းများနှင့် နီးကပ်စွာ သွားလာခြင်းမပြုကြရန် မေတ္တာ ရပ်ခံထားသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
