ရန်ကုန်၊ ဇန်နဝါရီ ၁၇
မကွေးတိုင်း၊ ရေစကြိုမြို့နယ်၊ သာဂေါင်ကျေးရွာကို အကြမ်းဖက်စစ်တပ်က လေကြောင်းဖြင့် ပေါင် ၅၀၀ ဗုံး ၂ လုံးကျဲချတိုက်ခိုက်ခဲ့ရာ ပြည်သူ ၂ ဦးသေဆုံးပြီး ၃ ဦး ဒဏ်ရာရရှိခဲ့ကြောင်း ရေစကြိုမြို့ နယ်ပြည်သူ့ကာကွယ်ရေးတပ်ဖွဲ့ – ပကဖမှတာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ယမန်နေ့ ဇန်နဝါရီလ ၁၆ ရက် နံနက်အစောပိုင်း ၁ နာရီခန့်က ရေစကြိုမြို့နယ်၊ ရေလယ်ကျွန်း ဒေသ၊ သာဂေါင်ကျေးရွာကို အကြမ်းဖက်စစ်ကောင်စီတပ်က တိုက်ပွဲဖြစ်ဖြစ်ပွားခြင်းမရှိပဲ တိုက် လေယာဉ် ၂ စီးဖြင့် ပေါင် ၅၀၀ ဗုံး ၂ လုံးကျဲချတိုက်ခိုက်ခဲ့ရာ အသက် ၁၆ နှစ်အရွယ် အမျိုးသား လူငယ် ၁ ဦးနှင့် အသက် ၅၅ နှစ်အရွယ် အမျိုးသား တစ်ဦးတို့သေဆုံးပြီး ၃ ဦးဒဏ်ရာရရှိခဲ့ကြောင်း သိရသည်။
“ရေစကြိုမြို့နယ်၊ ရေလယ်ကျွန်းဒေသ သာဂေါင်ကျေးရွာကို ကျဲချတာ၊ လေယာဉ် ၂ စီးနဲ့ ပေါင် ၅၀၀ လုံးကျဲသွားတာ၊ သေဆုံးတာက ၂ ယောက်ပေါ့၊ ၁၆ နှစ်အရွယ် ယောက်ျားတစ်ယောက်နဲ့ ၅၅ နှစ်အ ရွယ်အမျိုးသားတစ်ဦး သေတာ၊ ၃ ဦးဒဏ်ရာရတာ၊ သာဂေါင်ကျေးရွာရဲ့ မြောက်ဖျားကို ကျဲသွားတာ၊ လယ်ကွင်းတွေထဲကျတာ၊ ဒါပေမယ့် ပေါင် ၅၀၀ ဆိုတဲ့အတိုင်းပဲ အစတွေမှန်ပြီးတော့ သေဆုံးသွား တာ၊ နေအိမ်ပျက်စီးမှုကတော့ အတိအကျ အတည်မပြုနိုင်သေးဘူး။” ဟု ရေစကြိုမြို့နယ်ပြည်သူ့ ကာ ကွယ်ရေးတပ်ဖွဲ့ – ပကဖမှတာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောကြားသည်။
အကြမ်းဖက်စစ်ကောင်စီတပ်က ဗုံးကျဲချမှုကြောင့် ရေစကြိုမြို့ပေါ်အထိ တုန်ခါမှုဖြစ်ခဲ့ပြီး မြို့နေ ပြည်သူများလည်း အိပ်ပျော်နေရာမှ လန့်နိုးမှုဖြစ်ခဲ့ကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
