ရန်ကုန်၊ ဇန်နဝါရီ ၂၀
ဇန်နဝါရီလ ၁၈ ရက်နေ့ မြောက်ဦးမြို့ရှိ စစ်သုံ့ပန်းများ ထားရှိနေရာနေရာကို စစ်ကောင်စီက လေယာဉ်ဖြင့် ဗုံးများကျဲချမှုကြောင့် အမျိုးသမီးများ၊ ကလေးများ အပါအဝင် ၂၈ ဦး သေဆုံးပြီး သေဆုံးသူများတွင် စစ်သုံ့ပန်းများလည်းပါဝင်ခဲ့ရာ ယင်းလုပ်ရပ်မှာ စစ်ရာဇဝတ်မှု မြောက်ကြောင်း၊ ဂျနီဗာကွန်ဗန်းရှင်းကိုလည်း ချိုးဖောက်ရာရောက်ကြောင်း၊ ထို့ကြောင့် စစ်ခေါင်းဆောင်များအနေဖြင့် ယင်းလုပ်ရပ်အတွက် တာဝန်ယူ တာဝန်ခံရလိမ့်မည်ဖြစ်ကြောင်း AA ပြောခွင့်ရပုဂ္ဂိုလ် ခိုင်သုခက ပြောဆိုသည်။
“လူနေထူထပ်တဲ့မြို့တွေ ရွာတွေ အဲဒီနေရာတွေကို ပစ်မှတ်ထားပြီးတော့ တိုက်ခိုက်လာတာတွေတွေ့ ရပါတယ်။ ဒီဟာကတော့ ပြောမယ်ဆိုလို့ရှိရင် စစ်ကောင်စီအနေနဲ့ စစ်ပွဲအတွင်းမှာ လိုက်နာရမယ့် ကျင့်ဝတ်တွေအားလုံး ကို ချိုးဖောက်ပြီးတော့ ပြည်သူတွေကို ရည်ရွယ်ချက်ရှိရှိနဲ့ ပစ်မှတ်ထားတိုက်ခိုက်လာတာ ဖြစ်တဲ့အတွက်ကြောင့်မို့လို့ ဒါဟာ စစ်ရာဇဝတ်မှုဖြစ်ပါတယ်။ စစ်ကောင်စီခေါင်းဆောင်တွေအနေနဲ့ သူတို့ကျူးလွန်တဲ့ စစ်ရာဇဝတ်မှုတွေအတွက် တာဝန်ယူမှု တာဝန်ခံမှုရှိရမှာဖြစ်ပါတယ်” ဟု ခိုင်သုခက ဆိုသည်။
မြောက်ဦးရှိ စစ်သုံ့ပန်းများ ထားရှိနေရာကို ရည်ရွယ်ချက်ရှိရှိ စစ်လေယာဉ်ဖြင့် ဗုံးကျဲသတ်ဖြတ်မှုမှာလည်း စစ်ရာဇဝတ်မှု ကျူးလွန်မှုဖြစ်သဖြင့် မှတ်တမ်းတင်ထားရှိကြောင်း၊ ယခုအခါ စစ်တပ်က ပြည်သူများကို ပိုမို၍ ရည်ရွယ်ချက်ရှိရှိ တိုက်ခိုက်လာကြောင်း၊ ပြည်သူလူထုအနေဖြင့် လေကြောင်းအန္တရာယ်ကို ယခင်ထက် ပိုမို၍ သတိထားရမည့် အချိန်ရောက်ရှိလာပြီဖြစ်ကြောင်း ၎င်းက ပြောသည်။
“ဒီအကြမ်းဖက် ဖက်ဆစ်စစ်ကောင်စီဘက်က စစ်သုံ့ပန်းတွေ ယာယီထိန်းသိမ်းထားတဲ့နေရာတွေ၊ စစ်သုံ့ပန်း မိသားစုတွေကို ယာယီ ထားထားတဲ့နေရာတွေကို ပစ်မှတ်ထားပြီးတော့ ရည်ရွယ်ချက်ရှိရှိနဲ့ ဒီတိုက်ခိုက်တယ်ဆိုတာကတော့ ဒါဟာ ဂျနီဗာကွန်းဗန်းရှင်းကို ပြောင်ပြောင်တင်းတင်းချိုးဖောက် တာဖြစ်သလို စစ်ရာဇဝတ်မှုကို ကျူးလွန်တာလည်းဖြစ်ပါတယ်။ နောက်တစ်ခုကတော့ဒီလပိုင်းတွေမှာ စာသင်ကျောင်းတွေ ဆေးရုံဆေးခန်းတွေ စျေးတွေ ဘာသာရေးအဆောက်အအုံတွေလမ်းတံတားတွေ၊ စစ်ဘေးရှောင်စခန်းတွေကို ပစ်မှတ်ထားလာတာရှိတယ်။ ပြည်သူလူထုတွေကို ကျနော်တို့ ပြောလိုတာကတော့ အကြမ်းဖက် ဖက်ဆစ်စစ်ကောင်စီက ပြည်သူတွေ ရှိတဲ့နေရာတွေကို ပစ်မှတ်ထားပြီးတော့ တရားလက်လွတ် လူမဆန်တဲ့ တိုက်ခိုက်မှုတွေကို တောက်လျှောက်ကြီး လုပ်လာတဲ့အတွက်ကြောင့်မို့လို့ လေကြောင်းရန်နဲ့ လေကြောင်းအန္တရာယ်ကို အရင်ကထက်ပိုပြီးတော့ သတိထားကြဖို့။ ပြီးလို့ရှိရင် အင်တာနက်သုံးစွဲတာ ဖုန်းသုံးစွဲတာတွေကို သတိထားသုံးစွဲကြဖို့ တိုက်တွန်းချင်တာရှိပါတယ်။ ဒါက အများပြည်သူ လုံခြုံရေးအတွက် အားလုံးက လိုက်နာလုပ်ဆောင်ရမယ့် ကိစ္စဖြစ်ပါတယ်” ဟု ခိုင်သုခက ရှင်းလင်းပြောဆိုသည်။
ဓာတ်ပုံ – စစ်တပ်၏ သတ်မှတ်စံချိန်စံညွှန်း အရပ် မမီခဲ့ဘဲ တပ်ချုပ်ဖြစ်လာခဲ့သော မင်းအောင်လှိုင်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
