ပဲခူးတိုင်း၊ နတ်တလင်းမြို့နယ်ရှိ ဒမငယ်ရဲစခန်း၊ တောင်ညိုကွက်သစ်ရဲစခန်း အပါအဝင် အကြမ်းဖက် စစ်တပ် တပ်စွဲထားသော နေရာများကို တပြိုင်တည်း ဝင်ရောက် တိုက်ခိုက်ပြီး မီးရှို့ရှင်းလင်းခဲ့ကြောင်း ၃၈၀၁ တပ်ရင်း ဒုရင်းမှူး ကိုညီညီက ရန်ကုန်ခေတ်သစ်သတင်းဌာနထံသို့ ပြောဆိုသည်။
နိုဝင်ဘာလ ၂၇ ရက်နေ့ ည ၉ နာရီခန့်တွင် နတ်တလင်းမြို့နယ်၊ ဒမငယ်ရွာရှိ စစ်တပ်၏ သစ်ချိုခြံ (အထွက်တိုးစခန်း) ၊ ဒမငယ်ရဲစခန်းနှင့် တောင်ညိုကွက်သစ်ရဲစခန်းတို့ကို တော်လှန်ရေး တပ်ဖွဲ့များက တပြိုင်တည်း ဝင်ရောက် တိုက်ခိုက်ခဲ့ခြင်းဖြစ်ကြောင်း သိရသည်။
ထိုတိုက်ခိုက်မှု အတွင်း အကြမ်းဖက် စစ်သားနှင့် ပျူစောထီး အားလုံး ဆုတ်ခွာထွက်ပြေးသွားသောကြောင့် တော်လှန်ရေး ရဲဘော်များကို ရဲစခန်းအပါအဝင် စစ်တပ် တပ်စွဲထားသောနေရာများကို မီးရှို့ရှင်းလင်းခဲ့ကြောင်း သိရှိရသည်။
“မနေ့က နတ်တလင်းမြို့နယ် ဒမငယ်ရွာ သစ်ချိုခြံ (အထွက်တိုးစခန်း) အတွင်းမှာရှိတဲ့ ပျူခွေး၊ စစ်ခွေးတွေအပါအဝင် ဒမငယ်ရဲစခန်းကို ကျနော်တို့ တော်လှန်ရေး ရဲဘော်တွေက တပြိုင်တည်း ဝင်ရောက် တိုက်ခိုက်ခဲ့တာပါ။ စစ်ခွေးနဲ့ ပျူခွေးတွေက ကျနော်တို့ ဝင်တိုက်တဲ့ အချိန်မှာ အကုန်လုံး ထွက်ပြေးသွားလို့ စခန်းကို မီးရှို့ ဖျက်ဆီးလိုက်တယ်။ ခဲ့ပါသည်။ နောက်ပြီး တောင်ညိုကွက်သစ်ရဲစခန်းကိုလည်း ကျနော်တို့ ရဲဘော်တွေ လက်နက်ကြီးတွေနဲ့ ဝင်ရောက်ပစ်ခတ် တိုက်ခိုက်ခဲ့ပါတယ်” ဟု ၃၈၀၁ တပ်ရင်း ဒုရင်းမှူး ကိုညီညီက ပြောဆိုသည်။
ထိုတိုက်ခိုက်မှုအတွင်း ထွက်ပြေးသွားသော စစ်သားနှင့် ပျူစောထီး များသည် မင်းဘူးကျွန်း ပျူစောထီးရွာထဲတွင် ရောက်ရှိနေပြီး အင်အား ၃၀ ခန့်ရှိကြောင်း၊ ထိုကျေးရွာအတွင်းကိုလည်း တော်လှန်ရေးတပ်ဖွဲ့များက လက်နက်ကြီးများဖြင့် ပစ်ခတ်တိုက်ခိုက်ခဲ့ပြီး ယနေ့ နိုဝင်ဘာလ ၂၈ ရက်နေ့ နံနက် ၁၂ နာရီ ၄၅ မိနစ်တွင် အောင်မြင်စွာ ဆုတ်ခွာနိုင်ခဲ့ကြောင်း သိရသည်။
အဆိုပါ တိုက်ခိုက်မှုကို တပ်ရင်း-၃၈၀၁ တပ်ရင်းရုံး ရဲဘော်များ ဖြစ်သော တပ်ခွဲ ၂ ၊ ၄ ၊ ၆ နှင့် ၇ တို့က ပူးပေါင်း လုပ်ဆောင်ခဲ့ပြီး တော်လှန်ရေး ရဲဘော်များ အထိအခိုက်မရှိကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
