ရန်ကုန်၊ ဒီဇင်ဘာ ၂၆
မကွေးဖက်ဒရယ်ယူနစ်၏ ဝန်ကြီးချုပ်အဖြစ် လွှတ်တော်ကိုယ်စားလှယ် ဒေါက်တာရဲထွန်းဇော်ကို ရွေးချယ်တင် မြှောက်လိုက်ကြောင်း မကွေးဖက်ဒရယ်ယူနစ် လွှတ်တော်က တရား၀င် သတင်းထုတ်ပြန်သည်။
ယနေ့ တွင် မကွေးဖက်ဒရယ်ယူနစ်လွှတ်တော် ဒသမပုံမှန်အစည်းအဝေးခေါ်ယူကျင်းပပြီး ကြားကာလ မကွေးဖက်ဒရယ်ယူနစ် ဝန်ကြီးချုပ် အတည်ပြုခန့်အပ်လိုက်ခြင်းဖြစ်ကြောင်း သိရှိရသည်။
ယနေ့ မကွေး ဖက်ဒရယ်ယူနစ် လွှတ်တော်အစည်းအဝေးတွင် ကြားကာလ ရွေးချယ်ရေးကော်မရှင်က ပေးပို့လာသည့် မကွေးဖက်ဒရယ်ယူနစ်ဝန်ကြီးချုပ်လောင်းအမည်စာရင်းအဖြစ် ဒေါက်တာရဲထွန်းဇော်(မကွေးဖက်ဒရယ်ယူနစ်လွှတ်တော်ကိုယ်စားလှယ်၊ မင်းလှမြို့နယ် မဲဆန္ဒနယ်အမှတ် ၂) ကို လွှတ်တော်သို့ လွှတ်တော်ကိုယ်စားလှယ်တစ်ဦးက တင်သွင်းခဲ့ကြောင်း၊ ယင်းနောက် လွှတ်တော် ဥက္ကဋ္ဌ က လွှတ်တော်၏ သဘောထားရယူကာ ကန့်ကွက်သူမရှိ ထောက်ခံကြပါသဖြင့် ဝန်ကြီးချုပ်အဖြစ် အတည်ပြုလိုက်ကြောင်း သိရှိရသည်။
ဒီဇင်ဘာလ ၂၃ ရက်နေ့ကလည်း စစ်ကိုင်းဖက်ဒရယ်ယူနစ်ကြားကာလအစိုး ရအဖွဲ့ တစ်ရပ် ပေါ်ပေါက်လာပြီး စစ်ကိုင်းတိုင်းဆိုင် ရာ ဝန်ကြီးချုပ်နှင့်ဝန်ကြီးများ အသီးသီးရွေးချယ်ခန့် အပ်တာဝန်ပေးလိုက်ကြောင်း စစ်ကိုင်းဖက်ဒရယ်ယူနစ်ဝန်ကြီးချုပ်မှာ ဦးစိုးဦးက တာဝန်ယူထားခြင်းဖြစ်သည်။
ယခုနှစ် နိုဝင်ဘာလ ၂၈ ရက်နေ့တွင်လည်း မန္တလေးဖက်ဒရယ် ယူနူစ်၏ ကြားကာလအုပ်ချုပ်ရေးကောင်စီ (MIGC)ကို ဖွဲ့စည်းခဲ့ပြီး ဝန်ကြီးချုပ် (သို့မဟုတ်) ဥက္ကဋ္ဌ အဖြစ် ဦးမြင့်အောင်မိုးက တာဝန်ယူဆောင်ရွက်လျက်ရှိသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
