ရန်ကုန်၊ ဖေဖော်ဝါရီ ၂၅
အမျိုးသားညီညွတ်ရေးအစိုးရNUG အနေဖြင့် ယူကရိန်းနှင့် ၎င်း၏ပြည်သူ များအပေါ် ဆင်နွှဲလာသည့် စစ်ပွဲကို ရှုတ်ချလိုက်ပြီး ယင်းလုပ်ရပ်များသည် ကုလ သမဂ္ဂ ပဋိညာဉ်စာတမ်းနှင့် နိုင်ငံတကာဥပဒေများကို ထင်ရှားစွာ ချိုးဖောက်ခြင်းဖြစ်ကြောင်း ထုတ်ပြန်သည်။
ယူကရိန်းနိုင်ငံအပေါ် ကြောက်မက်ဖွယ်ရာ ပြင်းထန်သော တိုက်ခိုက်မှုမျာ းသည် လေကြောင်း၊ ကုန်းမြေနှင့် ရေကြောင်းတို့မှ လုပ်ဆောင်နေပြီး အဆိုပါ တိုက်ခိုက်မှုများကြောင့် အသက်ဆုံးရှုံးမှုများ ဖြစ်ပွားခဲ့ကြောင်း၊ ထောင် နှင့် ချီသော အရပ်သားများကို ၎င်းတို့၏ နေအိမ်များမှ စွန့်ခွာစေခဲ့ပြီဖြစ်ကြောင်း၊ ယူကရိန်း၏ နယ်နမိတ်တည်တံ့ခိုင်မြဲမှု၊ လွတ်လပ်မှုနှင့် အချုပ် အခြာအာဏာ တို့ကို လေးစားရန် မြန်မာက တောင်းဆိုကြောင်း NUG အစိုးရက ထုတ် ပြန် သည်။
အချုပ်အခြာပိုင် နိုင်ငံတခု ကိုကျူးကျော်ခြင်းသည် ကုလသမဂ္ဂ ပဋိညာဥ်ပါ ပြဌာန်းချက်များကို ချိုးဖောက်ခြင်းဖြစ်ပြီး (၂၁) ရာစု ကမ္ဘာ အတွက် ကောင် းမွန်သည့် နမူနာ တရပ်မဟုတ်ကြောင်း၊ ထို့အပြင် ကမ္ဘာငြိမ်းချမ်းရေး ၊ လုံခြုံ ရေး နှင့် လူသားဖွံ့ဖြိုး တိုးတက်မှုကို ကြီးစွာသော အဟန့်အတား ဖြစ် စေမည် ဖြစ် ကြောင်း နှင့် မြန်မာနိုင်ငံသည် ယူကရိန်းပြည်သူများနှင့် စည်းလုံးညီညွတ် စွာ ရပ်တည်လျက်ရှိကြောင်း NUG အစိုးရ၏ ထုတ်ပြန်ချက်တွင် ဖော်ပြထား သည်။
