ရန်ကုန်၊ ဇန်နဝါရီ ၂၃
ရန်ကုန်တိုင်း၊ တောင်ဥက္ကလာပမြို့နယ်၊ ၁၃ ရပ်ကွက်၊ ဒေဝဒဟထိပ်၊ ရတနာလမ်းကြီးအနီးတွင် တိုက်တစ်လုံးကို စစ်ကောင်စီတပ်များက ဝင်ရောက်စီးနင်းပြီး ပစ်ခတ် ဖမ်းဆီးမှုများလုပ်ဆောင်နေကြောင်း ဒေသခံများထံမှ သိရှိရသည်။
ယနေ့ ဇန်နဝါရီလ ၂၃ ရက်နေ့ ညနေ ၄ နာရီ ၄၅ မိနစ်အချိန်မှစတင်ပြီး တောင်ဥက္ကလာပမြို့နယ်၊ ၁၃ ရပ်ကွက်၊ ဒေဝဒဟထိပ် ၊ ရတနာလမ်းကြီးဘေးရှိ အထပ်မြင့်တိုက်တာတစ်ခုကို စစ်တပ်နှင့်ရဲက ဝင်ရောက်စီးနင်းလျက်ရှိကြောင်း သိရှိရသည်။
“အခု တပ်က ဝင်စီးနေ၊ တိုက်ခေါင်မိုးပေါ်တွေမှာ သေနတ်တွေနဲ့ချိန်ထားတာ။ လမ်းတွေအကုန်လုံးလည်း ပိတ်လိုက်ပြီးတော့ ကားတွေလည်း ပြန်လှည့်ခိုင်းနေတယ်ဗျ” ဟု ဒေသခံတစ်ဦးက ပြောသည်။
