မြို့ပြတော်လှန်ရေးတပ်ဦးU.R.F မှ တာဝန်ခံ ကိုညို နှင့်တွေ့ဆုံမေးမြန်းခြင်း (နိဂုံး)

“ စစ်မြေပြင်မှာ ခွေးတစ်ကောင်ကျရင် နှစ်ကောင်လွှတ်ဖို့ရှိပြီးသား အဲဒီအမိန့်ပေးတဲ့ပါးစပ်ကို ပိတ်ဖို့အတွက် သူရဲ့အကျိုးစီးပွားထိခိုက်အောင်လုပ်ဖို့ပဲရှိတယ်။သူတို့ဟာစီးပွားရေးတွေလုပ်ငန်းတွေအများကြီးရှိတယ်။ရန်သူ့စီးပွားရေးကိုထိုးနှက်မှရမှာဖြစ်တယ်။” မြို့ပြတော်လှန်ရေးတပ်ဦးU.R.F မှ တာဝန်ခံ ကိုညို နှင့်တွေ့ဆုံမေးမြန်းခြင်း (နိဂုံး) By ရန်ကုန်ခေတ်သစ် ပြီးခဲ့တဲ့စက်တင်ဘာ ၈ ရက်နေ့ကတည်းက စစ်ကောင်စီတပ်ဟာ လေကြောင်းတိုက်ခိုက်မှုတွေအပါအဝင် တင့်ကားတွေနဲ့ပါ မိုးဗြဲမြို့ကိုအင်းအားအလုံးအရင်းနဲ့ တိုက်ခိုက်နေပါတယ်။ ဒါအပြင် အရပ်သားပြည်သူ တွေကိုလည်း လူသားဒိုင်းအဖြစ်ဖမ်းဆီးထားကာ ထိုးစစ်ဆင်တိုက်ခိုက်နေပါတယ်။ ကရင်နီပြည်နယ်အတွင်းမှာရှိတဲ့ တော်လှန်ရေးအင်အားစုတွေဟာလည်း ပြန်လည်ခုခံတိုက်ခိုက်ကြတာပါ။ အဲဒီထဲမှာ မြို့ပြတော်လှန်ရေးတပ်ဦး U.R.Fလည်းပါဝင်ပါတယ်။ ပြီးခဲ့တဲ့အပိုင်း (၁)မှာတော့ စစ်ကောင်စီက မိုးဗြဲကိုဘာကြောင့် အင်အားအလုံးအရင်းနဲ့တိုက်ခိုက်နေတာလဲဆိုတာတွေနဲ့ တိုက်ပွဲအခြေအနေတွေကို မေးမြန်းတင်ဆက်ခဲ့ပါတယ်။ အခုနောက်ဆုံးအပိုင်းမှာတော့ မြို့ပြတော်လှန်ရေးတပ်ဦးရဲ့ ရည်ရွယ်ခံယူချက်တွေနဲ့ မြို့ပြပျောက်ကြားတော်လှန်ရေးအကြောင်းတွေ ကြုံတွေရတဲ့ အခက်အခဲတွေကို မေးမြန်းတင်ဆက်ထားပါတယ်။