ရန်ကုန်၊ ကန်တော်ကြီးတွင် တော်လှန်လူငယ်များက အတာအိုးများဖြင့် စစ်အာဏာရှင် ဆန့်ကျင်ရေး လှုပ်ရှားမှု ပြုလုပ်
ရန်ကုန်၊ ဧပြီ ၁၂
ရန်ကုန်မြို့၊ ကန်တော်ကြီးတွင် တော်လှန်လူငယ်များက ယနေ့ ဧပြီလ ၁၂ ရက်နေ့၌ အတာအိုးများဖြင့် တော်လှန်သင်္ကြန် လှုပ်ရှားမှုနှင့် ကန့်ဘလူမြို့နယ်၊ ပဇီကြီးကျေးရွာမှ ကျဆုံးခဲ့သည့် ပြည်သူများအတွက် ဝမ်းနည်းခြင်း အထိမ်းအမှတ် အဖြစ် စစ်အာဏာရှင် ဆန့်ကျင်ရေး လှုပ်ရှားမှု ပြုလုပ်ခဲ့ကြောင်း သိရသည်။
အဆိုပါ လှုပ်ရှားမှုကို မရမ်းကုန်းမြို့နယ် အခြေခံ ပညာကျောင်းသား လူငယ်များ အစည်းအရုံး (မရမ်းကုန်း-အကလ) နှင့် အ.ထ.က ၂ အရှေ့ဒဂုံမြို့နယ်အခြေခံပညာ ကျောင်းသား လူငယ်များအစည်းအရုံး (အကလ) တို့ ပူးပေါင်း လုပ်ဆောင်ခဲ့ကြောင်း သိရှိရသည်။
